ಚಾರ್ಮಾಡಿ ಘಾಟ್ ಜನರನ್ನು ಕಾಯ್ತಿದ್ದಾಳೆ ಗುಳಿಗಮ್ಮ ದೇವಿ..!
1007 views
ಚಿಕ್ಕಮಗಳೂರು ವಿಡಿಯೋಗಳಿಗೆ ಚಂದಾದಾರರಾಗಿಕಾಫಿನಾಡ ಚಾರ್ಮಾಡಿ ಘಾಟ್ ನೋಡೋಕೆ ಎಷ್ಟು ಸುಂದರವೋ ಅಷ್ಟೆ ಡೇಂಜರ್. ಈ ಹಾವು ಬಳುಕಿನ ಮೈಕಟ್ಟಿನ ರಸ್ತೆಯಲ್ಲಿ ಒಂದು ಸೆಕೆಂಡ್ ಎಚ್ಚರ ತಪ್ಪಿದ್ರು ಅಪಾಯ ಕಟ್ಟಿಟ್ಟ ಬುತ್ತಿ. ಮಳೆಗಾಲದಲ್ಲಿ ಇಲ್ಲಿನ ಹಲವು ಗ್ರಾಮದ ಜನ ಕೂಡ ಸಿಲುಕಿಕೊಂಡಿದ್ದರು. ಆದರೆ, ಒಂದೇ ಸಾವು, ಅನಾಹುತ ಸಂಭವಿಸಲಿಲ್ಲ. ಇದಕ್ಕೆ ಗುಳಿಗಮ್ಮ ದೇವಿಯ ಅಗೋಚರ ಶಕ್ತಿಯೇ ಕಾರಣ ಎಂಬುದು ಇಲ್ಲಿನ ಜನರ ನಂಬಿಕೆ.ಕಾಫಿನಾಡಿಂದ-ಕರಾವಳಿಗೆ ಸಂಪರ್ಕ ಕಲ್ಪಿಸೋ ಚಾರ್ಮಾಡಿ ಘಾಟ್ ಯಾರಿಗ್ ತಾನೇ ಗೊತ್ತಿಲ್ಲ. ನಿತ್ಯ ಸಾವಿರಾರು ವಾಹನಗಳು ಓಡಾಡುವ ರಸ್ತೆ. ಇಲ್ಲಿನ ದಟ್ಟಾರಣ್ಯದಲ್ಲಿ ಚಲಿಸುವಾಗ ಗಟ್ಟಿ ಗುಂಡಿಗೆ ಇರ್ಬೇಕು. ಈ ವೇಳೆ ಬಹುತೇಕ ಪ್ರಯಾಣಿಕರು ಈ ದೇವಿಗೆ ನಮಸ್ಕಾರ ಹಾಕದೇ ಮುಂದೋಗಲ್ಲ. ಚಾರ್ಮಾಡಿ ರಸ್ತೆಯ ಅಲೇಖಾನ್ ಹೊರಟ್ಟಿ ಗ್ರಾಮದ ಎಂಟ್ರಿಯಲ್ಲೇ ಈ ದೇವಿ ವಿರಾಜಮಾನವಾಗಿದ್ದಾಳೆ. ಈಕೆಗೆ ಮೂರ್ತಿ ಇಲ್ಲ. ಈ ಕಲ್ಲಿನ ಮೂರ್ತಿಯೇ ಆ ಗುಳಿಗಮ್ಮ ದೇವಿ. ಈ ದೇವಿಯದ್ದು ಅಪಾರ ಶಕ್ತಿ ಅನ್ನೋದು ಭಕ್ತರ ನಂಬಿಕೆ. ಮಳೆಗಾಲದಲ್ಲಿ ಅತಿಹೆಚ್ಚು ಭೂ ಕುಸಿತ, ಗುಡ್ಡ ಕುಸಿತವಾದರೂ ಸಾವಿರಾರು ವಾಹನಗಳಲ್ಲಿ ಸಂಚರಿಸುವ ಯಾರಿಗೂ ಅಪಾಯವಾಗಿಲ್ಲ. ದೇವಿ ನೆಲೆಸಿರುವ ನೂರು ಮೀಟರ್ ಅಂತರದಲ್ಲಿ ಎಡ-ಬಲ ಭಾಗದ ಎರಡು ಕಡೆಗಳಲ್ಲಿ ಬೃಹತ್ ಪ್ರಮಾಣದಲ್ಲಿ ಭೂಮಿ ಕುಸಿದಿದ್ರೂ ದೇವಿ ಸ್ಥಳದಲ್ಲಿ ಮಾತ್ರ ಒಂದಿಂಚೂ ಭೂಮಿ ಹಾನಿಯಾಗಿಲ್ಲ. ಚಾರ್ಮಾಡಿ ಘಾಟಿಗೆ ಅಂಟಿಕೊಂಡಂತೆ ಇರುವ ಆಲೇಖಾನ್ ಹೊರಟ್ಟಿ ಗ್ರಾಮದ ರಸ್ತೆಯ ಹಲವೆಡೆ ಬೃಹತ್ ಪ್ರಮಾಣದ ಬಂಡೆಗಳು ಬಿದ್ರು ಗ್ರಾಮ, ಗ್ರಾಮದ ಜನರಿಗೆ ಯಾವುದೇ ತೊಂದರೆಯಾಗಿಲ್ಲ. ಬ್ರಿಟಿಷರ ಕಾಲದಲ್ಲಿ ನಿರ್ಮಾಣವಾದ ಈ ರಸ್ತೆ ಎಂಥೆಂತ ಮಳೆಗೂ ಶೇಕ್ ಆಗಿರಲಿಲ್ಲ. ಆದರೆ, ಕಳೆದ ಬಾರಿಯ ಮಳೆಗೆ ಚಾರ್ಮಾಡಿ ಘಾಟ್‌ನಲ್ಲಿ ಮತ್ತೆ ಓಡಾಡೋದೇ ಅನುಮಾನವೇನೋ ಅನ್ನೋ ರೀತಿಯಲ್ಲಿ ಚಿಂದಿ ಚಿತ್ರಾನ್ನವಾಗಿತ್ತು. ಈ ಮಧ್ಯೆ ಇದೇ ಮಳೆಯಲ್ಲಿ ಸಿಲುಕಿಕೊಂಡ 10 ಜನರು ಅಕ್ಷರಶಃ ಸಾವನ್ನೇ ಗೆದ್ದಿದ್ರು. ಇಷ್ಟೆಲ್ಲಾ ಆಗುವಾಗ ನಮ್ಮನ್ನ ಬದುಕಿಸಿದ್ದು ಬೇರ‍್ಯಾರು ಅಲ್ಲ ಇದೇ ಗುಳಿಗಮ್ಮ ಅನ್ನೋದು ಜನರ ಬಲವಾದ ನಂಬಿಕೆ.ಅಲೇಖಾನ್ ಗ್ರಾಮದವರಷ್ಟೆ ಅಲ್ಲ. ಸುತ್ತಲಿನ ಆದಿವಾಸಿಗಳ ಸಂಕಷ್ಟ ಪರಿಹರಿಸ್ತಿರೋದು ಕೂಡ ಈ ಗುಳಿಗಮ್ಮ ದೇವಿ. ಇಲ್ಲಿ ಸಂಚರಿಸೋ ನೂರಾರು ಜನ ಇಲ್ಲಿ ಪೂಜೆ ಮಾಡಿ ದೇವಿಯ ಕೃಪೆಗೆ ಪಾತ್ರವಾಗಿ ತಮ್ಮ ಇಷ್ಟಾರ್ಥ ಸಿದ್ದಿಸಿಕೊಳ್ತಿದ್ದಾರೆ. ಪ್ರತಿ ಮಳೆಗಾಲದಲ್ಲೂ ಬೆಟ್ಟ-ಗುಡ್ಡ ಕುಸಿಯೋ ಸಂದರ್ಭದಲ್ಲಿ ನಮ್ಮನ್ನ ಕಾಯ್ತಿದ್ದಾಳೆಂದು ಇಲ್ಲಿನ ಜನ ಗುಳಿಗಮ್ಮ ದೇವಿಗೂ ಕೂಡ ಭಯ-ಭಕ್ತಿಯಿಂದ ಪೂಜಾ-ಕೈಂಕರ್ಯ ನಡೆಸಿಕೊಂಡು ಬರ್ತಿದ್ದಾರೆ.
ಸಂಬಂಧಿತ ವಿಡಿಯೋಗಳು
Padma Shri Award : ರಾಷ್ಟ್ರಪತಿಗಳಿಂದ ಕನ್ನಡಿಗ ಕೆಎಸ್ ರಾಜಣ್ಣಗೆ ಪದ್ಮಶ್ರೀ ಪ್ರಧಾನ! ಮೋದಿ ಜೊತೆಗಿನ ಸಂಭಾಷಣೆ ವೈರಲ್!ಸುದ್ದಿ7593
views
ನನ್ನ ಹೆಸರು ಹೇಳದಿದ್ದರೆ ಕುಮಾರಸ್ವಾಮಿ ಮಾರ್ಕೆಟ್ ಓಡಲ್ಲ, ಎಚ್ಡಿಕೆಗೆ ಡಿಕೆಶಿ ಪಂಚ್!ಚಿಕ್ಕಮಗಳೂರು
ಕಟೀಲು ಶ್ರೀದುರ್ಗಾಪರಮೇಶ್ವರಿ ಜಾತ್ರೆಯಲ್ಲಿ ಎರಡು ಗ್ರಾಮಗಳ ನಡುವೆ ಬೆಂಕಿಯ ಆಟ, 'ತೂಟೆದಾರ' ಆಚರಣೆಮಂಗಳೂರು5866
views
ಚುನಾವಣೆ ಹೊತ್ತಲ್ಲಿ ಯಡಿಯೂರಪ್ಪ ಕುಟುಂಬದಿಂದ ಹೋಮ; ಹೊರನಾಡು ದೇಗುಲದಲ್ಲಿ ನವಚಂಡಿಕಾ ಯಾಗಚಿಕ್ಕಮಗಳೂರು
ಹುಟ್ಟಿದ ಕಮಲ ಆಕಾಶ ಮೆಟ್ಟೀತು, ಕಾರ್ಣಿಕ ಭವಿಷ್ಯ!ಚಿಕ್ಕಮಗಳೂರು8436
views
ಸಂವಿಧಾನವನ್ನು ಬದಲಿಸಲು ಯಾವ ಶಕ್ತಿಗೂ ಅವಕಾಶ ಇಲ್ಲ; ಸಿಟಿ ರವಿಚಿಕ್ಕಮಗಳೂರು
ಹೀಂಗೂ ಏರಬಹುದಾ ತೆಂಗಿನ ಮರ!ಗದಗ3843
views
ಚಿಕ್ಕಮಗಳೂರಿನಲ್ಲಿ ಶೋಭಾ ಕರಂದ್ಲಾಜೆ ವಿರುದ್ಧ ಅಸಮಾಧಾನ ಬಹಿರಂಗ, ಬಿಜೆಪಿ ಕಚೇರಿ ಎದುರೇ ಗೋ ಬ್ಯಾಕ್ ಘೋಷಣೆಚಿಕ್ಕಮಗಳೂರು
ನೆಲಕ್ಕೆ ಅಪ್ಪಳಿಸಿತು 120 ಅಡಿ ಎತ್ತರದ ತೇರುಬೆಂಗಳೂರು1362
views
ಚಿಕ್ಕಮಗಳೂರು: ಬಾಂಬ್ ಬ್ಲಾಸ್ಟ್ ಸಿಲ್ಲಿಯಲ್ಲ, ಗಂಭೀರ ಪ್ರಕರಣ- ಸಿಎಂ ಸಿದ್ದರಾಮಯ್ಯಚಿಕ್ಕಮಗಳೂರು