ಟ್ರೆಂಡಿಂಗ್‌

ಕೊಪ್ಪಳ: ತುಂಗಭದ್ರಾ ಜಲಾಶಯದಲ್ಲಿ ಕೇವಲ 3.08 ಟಿಎಂಸಿ ನೀರು ಸಂಗ್ರಹ, 4 ಜಿಲ್ಲೆಗಳ ಜನರಿಗೆ ಸಂಕಷ್ಟ

Name: ಕೊಪ್ಪಳ: ತುಂಗಭದ್ರಾ ಜಲಾಶಯದಲ್ಲಿ ಕೇವಲ 3.08 ಟಿಎಂಸಿ ನೀರು ಸಂಗ್ರಹ, 4 ಜಿಲ್ಲೆಗಳ ಜನರಿಗೆ ಸಂಕಷ್ಟ
Uploaded: 2023-07-07T22:23:07+05:30
Duration: 3 min 13 s
Channel: ಹೇಮಂತ್ ಕುಮಾರ್ ಎಸ್

1657 views

ಕೊಪ್ಪಳ ವಿಡಿಯೋಗಳಿಗೆ ಚಂದಾದಾರರಾಗಿ

ಲೈಕ್
ಕಾಮೆಂಟ್ಸ್‌ ಮಾಡಿ
ಶೇರ್‌

ಕೊಪ್ಪಳ: ರೈತರ ಜೀವನಾಡಿಯಾಗಿರುವ ತುಂಗಭದ್ರಾ ಜಲಾಶಯವು ಜುಲೈ ತಿಂಗಳಲ್ಲಿ ತಳಮಟ್ಟಕ್ಕೆ ಕುಸಿದಿದೆ. ಜಲಾಶಯವನ್ನೇ ಆಶ್ರಯಿಸಿರುವ ಜಿಲ್ಲೆಗಳಲ್ಲಿ ಕುಡಿವ ನೀರಿಗೆ ಹಾಹಾಕಾರ ಏಳುವ ಮುನ್ಸೂಚನೆ ಇದೆ. ಕರ್ನಾಟಕ, ಆಂಧ್ರ ಹಾಗೂ ತೆಲಂಗಾಣದ ರೈತರ ಜೀವನಾಡಿಯಾಗಿರುವ ತುಂಗಭದ್ರಾ ಜಲಾಶಯವು ಈ ಬಾರಿ ಭರ್ತಿಯಾಗುವ ಲಕ್ಷಣ ಇನ್ನೂ ಕಾಣುತ್ತಿಲ್ಲ. ಸಾಮಾನ್ಯವಾಗಿ ಜುಲೈ ಮೊದಲ ವಾರ ಜಲಾಶಯದಲ್ಲಿ ಅರ್ಧದಷ್ಟಾದರೂ ನೀರು ಬರುತ್ತಿತ್ತು. ಆದರೆ ಈಗ ಜಲಾಶಯದಲ್ಲಿ ನೀರಿನ ಮಟ್ಟ ಪಾತಾಳಕ್ಕೆ ಕುಸಿದಿದೆ. ಈಗ ಜಲಾಶಯದಲ್ಲಿ ಕೇವಲ 3.08 ಟಿಎಂಸಿ ನೀರು ಸಂಗ್ರಹವಾಗಿದೆ.

1633 ಅಡಿ ಎತ್ತರ ನೀರು ನಿಲ್ಲುವ ಜಲಾಶಯದಲ್ಲಿ ಕಳೆದ ವರ್ಷ 1614 ಅಡಿ ನೀರು ನಿಂತಿತ್ತು. ಈ ಬಾರಿ 1576 ಅಡಿ ನೀರಿದೆ. ಕಳೆದ ವರ್ಷ ಈ ದಿನಕ್ಕೆ 50.68 ಟಿಎಂಸಿ ನೀರು ಜಲಾಶಯದಲ್ಲಿತ್ತು. ಈಗಿರುವ ನೀರಿನಲ್ಲಿ 2 ಟಿಎಂಸಿ ನೀರು ಡೆಡ್ ಸ್ಟೋರೇಜ್, 0.2 ಟಿಎಂಸಿ ಆವಿಯಾಗುವ ನೀರು, ಉಳಿದ 0.8 ಟಿಎಂಸಿ ಆಂಧ್ರ ಹಾಗು ತೆಲಂಗಾಣದ ಪಾಲಿದೆ. ಈ ಎರಡೂ ರಾಜ್ಯಗಳು ತಮಗೆ ಅವಶ್ಯಕತೆ ಇದ್ದಾಗ ನೀರು ಪಡೆಯಬಹುದು. ಇದರಿಂದಾಗಿ ಜಲಾಶಯದಿಂದ ಕುಡಿವ ನೀರು ಅವಲಂಬಿಸಿರುವ ಬಳ್ಳಾರಿ, ವಿಜಯನಗರ, ಕೊಪ್ಪಳ ಹಾಗೂ ರಾಯಚೂರು ಜಿಲ್ಲೆಯ ಜನತೆ ಮುಂದಿನ ದಿನಗಳಲ್ಲಿ ಕುಡಿವ ನೀರಿಗಾಗಿ ಪರದಾಡುವಂಥ ಸ್ಥಿತಿ ನಿರ್ಮಾಣವಾಗಲಿದೆ ಎಂದು ಅಂದಾಜಿಸಲಾಗಿದೆ.

ಈ ಬಾರಿ ರೈತರಿಗೆ ಯಾವಾಗ ನೀರು ನೀಡುವುದು ಎಂಬುವುದು ನಿಶ್ಚಿಯವಾಗಿಲ್ಲ. ಜಲಾಶಯಕ್ಕೆ ಕನಿಷ್ಠ 5 ಸಾವಿರ ಕ್ಯೂಸೆಕ್ ಒಳಹರಿವು ಇರಬೇಕು. ಆಗ ಐಸಿಸಿ ಸಭೆ ಕರೆದು ರೈತರ ಭೂಮಿಗೆ ನೀರು ಬಿಡುವ ಕುರಿತು ನಿರ್ಧಾರ ಮಾಡಲಿದ್ದಾರೆ. ಮಳೆಯಾಗಿರುವ ನೀರು ಇನ್ನೂ ಜಲಾಶಯಕ್ಕೆ ಬಂದು ಸೇರಿಲ್ಲ.

koppalTimesXP KannadaUpdated: 7 Jul 2023, 10:23 pm