ರಾಜ್ಯದಲ್ಲಿ ಇದೇ ಮೊದಲ ಬಾರಿಗೆ ಕಪ್ಪೆ ಹಬ್ಬ: ಮಂಡೂಕಗಳ ಹಬ್ಬ ಹೇಗಿರುತ್ತೆ ಗೊತ್ತಾ?
1002 views
ಶಿವಮೊಗ್ಗ ವಿಡಿಯೋಗಳಿಗೆ ಚಂದಾದಾರರಾಗಿಶಿವಮೊಗ್ಗ: ಪಶ್ಚಿಮಘಟ್ಟದ ವಿಶಿಷ್ಟ ಜೀವಪ್ರಬೇಧವಾದ ಕಪ್ಪೆಗಳ ಕುರಿತು ಹೊಸ ತಲೆಮಾರಿನಲ್ಲಿ ಅರಿವು ಮತ್ತು ಜಾಗೃತಿ ಮೂಡಿಸುವ ನಿಟ್ಟಿನಲ್ಲಿ ಶಿವಮೊಗ್ಗ ವನ್ಯಜೀವಿ ವಿಭಾಗದ ವತಿಯಿಂದ ಇದೇ ಮೊದಲ ಬಾರಿಗೆ ಕಪ್ಪೆ ಹಬ್ಬ ಆಯೋಜಿಸಲಾಗಿದೆ ಎಂದು ಶಿವಮೊಗ್ಗ ವನ್ಯ ಜೀವಿ ವಿಭಾಗದ ಉಪ ಅರಣ್ಯ ಸಂರಕ್ಷಣಾಧಿಕಾರಿ ಐ.ಎಂ. ನಾಗರಾಜ್ ತಿಳಿಸಿದರು.
ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು,ರಾಜ್ಯದಲ್ಲೇ ಮೊದಲ ಬಾರಿಗೆ ಕಪ್ಪೆಗಳ ಕುರಿತು ಕಪ್ಪೆ ಹಬ್ಬವನ್ನು ಶಿವಮೊಗ್ಗ ವನ್ಯಜೀವಿ ವಿಭಾಗವು ಸಾಗರ ತಾಲೂಕಿನ ಕಾರ್ಗಲ್ ನ ಮುಪ್ಪಾನೆ ಪ್ರಕೃತಿ ಶಿಬಿರದಲ್ಲಿ ಡಿ. 18 ಮತ್ತು 19 ರಂದು ಆಯೋಜಿಸಲಾಗಿದೆ ಎಂದು ತಿಳಿಸಿದರು.
ಎರಡು ದಿನಗಳ ಕಾಲ ನಡೆಯುವ ಕಪ್ಪೆ ಹಬ್ಬದಲ್ಲಿ ಉಭಯವಾಸಿಗಳ ಕುರಿತು ಪರಿಣಿತರ ವಿಚಾರ ಮಂಡನೆ, ಸಂವಾದ, ಸಾಕ್ಷ್ಯಚಿತ್ರ ಮತ್ತು ಛಾಯಾಚಿತ್ರ ಪ್ರದರ್ಶನ, ಫ್ರಾಗ್ ವಾಕ್ ಮುಂತಾದ ಚಟುವಟಿಕೆಗಳು ನಡೆಯಲಿವೆ. ಜಗತ್ತಿನ ಅಪರೂಪದ ಕಪ್ಪೆ ಪ್ರಭೇದಗಳ ನೆಲೆವೀಡು ಶರಾವತಿ ಕಣಿವೆಯಲ್ಲಿಯೇ ಈ ಹಬ್ಬವನ್ನು ನಡೆಸುತ್ತಿರುವ ಮುಖ್ಯ ಉದ್ದೇಶ ಸ್ಥಳೀಯ ಜನರಿಗೆ ಕಪ್ಪೆಗಳ ಸಂತತಿಯ ವೈವಿಧ್ಯತೆ, ಒಟ್ಟಾರೆ ಜೀವ ವೈವಿಧ್ಯ ಸರಪಳಿಯಲ್ಲಿ ಅವುಗಳ ಮಹತ್ವ, ಜೀವ ವೈವಿಧ್ಯ ಸಮತೋಲನ ಕಾಪಾಡುವಲ್ಲಿ ಅವುಗಳ ಪಾತ್ರ ಮತ್ತು ಅವುಗಳ ಪರಿಸರದ ಕೊಡುಗೆಯನ್ನು ತಿಳಿಸುಕೊಡುವ ಮೂಲಕ ಕಪ್ಪೆಗಳ ಸಂತತಿ ಸಂರಕ್ಷಣೆಯ ನಿಟ್ಟಿನಲ್ಲಿ ಸ್ಥಳೀಯರನ್ನೂ ಒಳಗೊಳ್ಳುವುದಾಗಿದೆ ಎಂದರು.
ಮುಖ್ಯವಾಗಿ ಕೃಷಿಯಲ್ಲಿ ರಾಸಾಯನಿಕ ಬಳಕೆ, ಕಾಡು ನಾಶ, ಕಾಡಿನೊಳಗೆ ಮಾನವ ಹಸ್ತಕ್ಷೇಪ, ಹವಾಮಾನ ವೈಪರೀತ್ಯದಂತಹ ಕಾರಣಗಳಿಂದಾಗಿ ಪಶ್ಚಿಮಘಟ್ಟದ ಎಲ್ಲೆಡೆಯಂತೆ ಶರಾವತಿ ಕಣಿವೆಯಲ್ಲಿ ಕೂಡ ಉಭಯವಾಸಿಗಳ ಅಪರೂಪದ ಪ್ರಭೇದಗಳು ಅಳಿವಿನಂಚಿಲ್ಲಿವೆ. ಪರಿಸರದ ಆರೋಗ್ಯ ಸೂಚಕ ಜೀವಿಗಳು ಎಂದು ಗುರುತಿಸಲಾಗುವ ಕಪ್ಪೆಗಳ ಅವಸಾನ ನಿಜಕ್ಕೂ ಆತಂಕದ ಬೆಳವಣಿಗೆ. ಆ ಹಿನ್ನೆಲೆಯಲ್ಲಿ ಆ ವಿಶಿಷ್ಟ ಜೀವಿಯ ಸಂರಕ್ಷಣೆ ಮತ್ತು ಅದರ ಜೀವ ವೈವಿಧ್ಯದ ಮಹತ್ವದ ಕುರಿತು ಜನಜಾಗೃತಿಯ ಪ್ರಯತ್ನವಾಗಿ ಕಪ್ಪೆ ಹಬ್ಬ ಆಯೋಜಿಸಲಾಗಿದೆ ಎಂದರು.
ನಮ್ಮ ರಾಜ್ಯದಲ್ಲಿ ಹಾರ್ನ್‌‌ಬಿಲ್‌ ಉತ್ಸವ, ಹಕ್ಕಿ ಹಬ್ಬ, ಚಿಟ್ಟೆ ಹಬ್ಬ ಹೀಗೆ ವಿವಿಧ ರೀತಿಯ ಹಬ್ಬಗಳನ್ನ ಅರಣ್ಯ ಇಲಾಖೆ ನಾನಾ ಕಡೆ ಹಮ್ಮಿಕೊಂಡಿದೆ. ನಾವೂ ಕೂಡ ಇತ್ತೀಚಿನ ದಿನಗಳಲ್ಲಿ ಈ ತರಹದ ಪ್ರಯತ್ನ ಮಾಡಲು ಮುಂದಾಗಿದ್ದೇವೆ. ನಾನಿಲ್ಲೇ ಹುಟ್ಟಿ ಬೆಳೆದು ಈ ಭೂಮಿಗೆ ಸಂಬಂಧಿಸಿದಂತೆ ಇರುವ ಯಾವುದಾದರೂ ಪ್ರಾಣಿಯ ಹಬ್ಬವನ್ನ ಮಾಡಬೇಕು ಎಂದು ಆಲೋಚನೆ ಬಂದಾಗ ನಾವು ಕಪ್ಪೆ ಹಬ್ಬವನ್ನ ಮಾಡಬೇಕೆಂದು ತೀರ್ಮಾನ ಮಾಡಿದ್ದೇವೆ. ನಾನು ವನ್ಯ ಜೀವಿ ವಿಭಾಗಕ್ಕೆ ಡಿಸಿಎಫ್ ಆಗಿ ಬಂದಾಗ, ಕೋಗಾರ್‌ ಕಡೆಯಲ್ಲಿ ಕಾಡುಗಳಲ್ಲಿ ಸಂಚರಿಸುವಾಗ ಶರಾವತಿ ಹಿನ್ನೀರ ಪ್ರದೇಶ, ಹಳ್ಳ ಕೊಳ್ಳಗಳಲ್ಲಿ ವಿಚಿತ್ರ ರೀತಿಯ ಕಪ್ಪೆಗಳನ್ನ ಕಂಡಿದ್ದೇನೆ. ಚಿಕ್ಕ ಗಾತ್ರದಿಂದ ದೊಡ್ಡ ಗಾತ್ರದವರೆಗೆ ಕಪ್ಪೆಗಳಿವೆ. ಸುಮಾರು ಪ್ರಬೇಧಗಳು ಕಪ್ಪೆಯಲ್ಲಿವೆ. ನಮಗೆ ಒಂದು ನಲವತ್ತು ಐವತ್ತು ಗೊತ್ತಿರಬಹುದಷ್ಟೇ..! ಇದರ ಬಗ್ಗೆ ಸಂಶೋಧನೆ ಮಾಡಿದವರಲ್ಲಿ ಕೇಳಿದಾಗ ಇದರಲ್ಲಿ ನಾಲ್ಕು ನೂರು, ಐದು ನೂರು ವಿಧದ ಕಪ್ಪೆಗಳಿವೆ ಎಂದು ಹೇಳುತ್ತಾರೆ.
ಕಪ್ಪೆಹಬ್ಬ ಪೂರ್ವಭಾವಿ ಕಾರ್ಯಕ್ರಮ. ಏಕೆಂದರೆ ಜೂನ್‌ ಜುಲೈ ಸಮಯದಲ್ಲಿ ನಮಗೆ ಸಾಕಷ್ಟು ಕಪ್ಪೆಗಳು ಕಾಣ ಸಿಗುತ್ತವೆ. ಮುಂಗಾರು ಆರಂಭದ ಸಮಯದಲ್ಲಿ ದೊಡ್ಡ ಮಟ್ಟದ ಕಪ್ಪೆ ಹಬ್ಬವನ್ನ ನಾವು ಮಾಡಬೇಕು ಎಂದು ಕೊಂಡಿದ್ದೇವೆ. ಡಿಸೆಂಬರ್‌ 18ರಂದು ಕಪ್ಪೆ ಹಬ್ಬವನ್ನ ಶುರುಮಾಡುತ್ತಿದ್ದೇವೆ. ಇದೊಂದು ಉದ್ಘಾಟನೆಯಂತಹ ಕಾರ್ಯಕ್ರಮವಷ್ಟೇ..! ಇದರಲ್ಲಿ ನಮ್ಮ ಜಿಲ್ಲೆಯ ಸಾಕಷ್ಟು ಪರಿಣತರೂ ಭಾಗವಹಿಸುತ್ತಾರೆ. ಹೊರ ಜಿಲ್ಲೆಯ ಸಾಕಷ್ಟು ಸಂಶೋಧಕರೂ ಸಹ ಭಾಗವಹಿಸುತ್ತಾರೆ. ಈ ಸಂದರ್ಭದಲ್ಲಿ ನಾನು ಕಪ್ಪೆ ಉತ್ಸವವನ್ನ ಸಣ್ಣ ಪ್ರಮಾಣದಲ್ಲಿ ಆರಂಭಿಸಿದರು ಸಹ ದೇಶದ ವಿವಿಧೆಡೆಯಿಂದ ಫೋನ್‌ ಮಾಡಿ ಈ ಬಗ್ಗೆ ವಿಚಾರಿಸಲು ಆರಂಭಿಸಿದ್ದಾರೆ. ಅದು ಚಿಕ್ಕ ಮಟ್ಟಕ್ಕೆ ಆರಂಭವಾಗಿ ದೊಡ್ಡದಾಗಿ ತಲುಪಿದೆ ಎಂದರು.
ಈ ಹಬ್ಬದಲ್ಲಿ ಅಂತಾರಾಷ್ಟ್ರೀಯ ಮಟ್ಟದ ಉಭಯವಾಸಿ ಸಂಶೋಧಕ ವಿಜ್ಞಾನಿ ಡಾ ಕೆ.ವಿ.ಗುರುರಾಜ್, ಉಭಯವಾಸಿ ಸಂರಕ್ಷಣಾ ತಜ್ಞ ಓಂಕಾರ್ ಪೈ, ಡಾ ಪ್ರೀತಿ ಹೆಬ್ಬಾರ್, ಡಾ. ಶೇಷಾದ್ರಿ ಕೆ ಎಸ್, ಡಿಸಿಎಫ್ ಬಿ ಎಂ ರವೀಂದ್ರ ಕುಮಾರ್, ಡಾ ವಿನೀತ್ ಕುಮಾರ್ ಮತ್ತಿತರ ತಜ್ಞರು ಉಭಯವಾಸಿಗಳ ಕುರಿತ ವಿವಿಧ ಅಧ್ಯಯನಗಳ ಬಗ್ಗೆ ಮಾತನಾಡಲಿದ್ದಾರೆ. ಅಲ್ಲದೆ, ಅರಣ್ಯ ಇಲಾಖೆ ಮತ್ತು ಸಾರ್ವಜನಿಕರ ನಡುವಿನ ವಿವಿಧ ಸಂಶೋಧಕರು ಕೂಡ ತಮ್ಮ ಅನುಭವಗಳನ್ನು ಹಂಚಿಕೊಳ್ಳಲಿದ್ದಾರೆ. ಡಿ.18ರಂದು ಬೆಳಿಗ್ಗೆ 11 ಗಂಟೆಗೆ ಕಪ್ಪೆ ಹಬ್ಬವನ್ನು ರಾಜ್ಯ ಅರಣ್ಯ ಪಡೆಯ ಮುಖ್ಯಸ್ಥರಾದ ಪಿಸಿಸಿಎಫ್ ಸಂಜಯ್ ಮೋಹನ್ ಉದ್ಘಾಟಿಸಲಿದ್ದು, ಪಿಸಿಸಿಎಫ್ (ಮಾಹಿತಿ ಮತ್ತು ತಂತ್ರಜ್ಞಾನ ವಿಭಾಗ) ರೀತು ಕಕ್ಕರ್ ಇರುತ್ತಾರೆ. ಡಿ.೧೯ರ ಮಧ್ಯಾಹ್ನ 12 ಗಂಟೆಗೆ ಸಮಾರೋಪ ಸಮಾರಂಭ ನಡೆಯಲಿದೆ.
ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು,ರಾಜ್ಯದಲ್ಲೇ ಮೊದಲ ಬಾರಿಗೆ ಕಪ್ಪೆಗಳ ಕುರಿತು ಕಪ್ಪೆ ಹಬ್ಬವನ್ನು ಶಿವಮೊಗ್ಗ ವನ್ಯಜೀವಿ ವಿಭಾಗವು ಸಾಗರ ತಾಲೂಕಿನ ಕಾರ್ಗಲ್ ನ ಮುಪ್ಪಾನೆ ಪ್ರಕೃತಿ ಶಿಬಿರದಲ್ಲಿ ಡಿ. 18 ಮತ್ತು 19 ರಂದು ಆಯೋಜಿಸಲಾಗಿದೆ ಎಂದು ತಿಳಿಸಿದರು.
ಎರಡು ದಿನಗಳ ಕಾಲ ನಡೆಯುವ ಕಪ್ಪೆ ಹಬ್ಬದಲ್ಲಿ ಉಭಯವಾಸಿಗಳ ಕುರಿತು ಪರಿಣಿತರ ವಿಚಾರ ಮಂಡನೆ, ಸಂವಾದ, ಸಾಕ್ಷ್ಯಚಿತ್ರ ಮತ್ತು ಛಾಯಾಚಿತ್ರ ಪ್ರದರ್ಶನ, ಫ್ರಾಗ್ ವಾಕ್ ಮುಂತಾದ ಚಟುವಟಿಕೆಗಳು ನಡೆಯಲಿವೆ. ಜಗತ್ತಿನ ಅಪರೂಪದ ಕಪ್ಪೆ ಪ್ರಭೇದಗಳ ನೆಲೆವೀಡು ಶರಾವತಿ ಕಣಿವೆಯಲ್ಲಿಯೇ ಈ ಹಬ್ಬವನ್ನು ನಡೆಸುತ್ತಿರುವ ಮುಖ್ಯ ಉದ್ದೇಶ ಸ್ಥಳೀಯ ಜನರಿಗೆ ಕಪ್ಪೆಗಳ ಸಂತತಿಯ ವೈವಿಧ್ಯತೆ, ಒಟ್ಟಾರೆ ಜೀವ ವೈವಿಧ್ಯ ಸರಪಳಿಯಲ್ಲಿ ಅವುಗಳ ಮಹತ್ವ, ಜೀವ ವೈವಿಧ್ಯ ಸಮತೋಲನ ಕಾಪಾಡುವಲ್ಲಿ ಅವುಗಳ ಪಾತ್ರ ಮತ್ತು ಅವುಗಳ ಪರಿಸರದ ಕೊಡುಗೆಯನ್ನು ತಿಳಿಸುಕೊಡುವ ಮೂಲಕ ಕಪ್ಪೆಗಳ ಸಂತತಿ ಸಂರಕ್ಷಣೆಯ ನಿಟ್ಟಿನಲ್ಲಿ ಸ್ಥಳೀಯರನ್ನೂ ಒಳಗೊಳ್ಳುವುದಾಗಿದೆ ಎಂದರು.
ಮುಖ್ಯವಾಗಿ ಕೃಷಿಯಲ್ಲಿ ರಾಸಾಯನಿಕ ಬಳಕೆ, ಕಾಡು ನಾಶ, ಕಾಡಿನೊಳಗೆ ಮಾನವ ಹಸ್ತಕ್ಷೇಪ, ಹವಾಮಾನ ವೈಪರೀತ್ಯದಂತಹ ಕಾರಣಗಳಿಂದಾಗಿ ಪಶ್ಚಿಮಘಟ್ಟದ ಎಲ್ಲೆಡೆಯಂತೆ ಶರಾವತಿ ಕಣಿವೆಯಲ್ಲಿ ಕೂಡ ಉಭಯವಾಸಿಗಳ ಅಪರೂಪದ ಪ್ರಭೇದಗಳು ಅಳಿವಿನಂಚಿಲ್ಲಿವೆ. ಪರಿಸರದ ಆರೋಗ್ಯ ಸೂಚಕ ಜೀವಿಗಳು ಎಂದು ಗುರುತಿಸಲಾಗುವ ಕಪ್ಪೆಗಳ ಅವಸಾನ ನಿಜಕ್ಕೂ ಆತಂಕದ ಬೆಳವಣಿಗೆ. ಆ ಹಿನ್ನೆಲೆಯಲ್ಲಿ ಆ ವಿಶಿಷ್ಟ ಜೀವಿಯ ಸಂರಕ್ಷಣೆ ಮತ್ತು ಅದರ ಜೀವ ವೈವಿಧ್ಯದ ಮಹತ್ವದ ಕುರಿತು ಜನಜಾಗೃತಿಯ ಪ್ರಯತ್ನವಾಗಿ ಕಪ್ಪೆ ಹಬ್ಬ ಆಯೋಜಿಸಲಾಗಿದೆ ಎಂದರು.
ನಮ್ಮ ರಾಜ್ಯದಲ್ಲಿ ಹಾರ್ನ್‌‌ಬಿಲ್‌ ಉತ್ಸವ, ಹಕ್ಕಿ ಹಬ್ಬ, ಚಿಟ್ಟೆ ಹಬ್ಬ ಹೀಗೆ ವಿವಿಧ ರೀತಿಯ ಹಬ್ಬಗಳನ್ನ ಅರಣ್ಯ ಇಲಾಖೆ ನಾನಾ ಕಡೆ ಹಮ್ಮಿಕೊಂಡಿದೆ. ನಾವೂ ಕೂಡ ಇತ್ತೀಚಿನ ದಿನಗಳಲ್ಲಿ ಈ ತರಹದ ಪ್ರಯತ್ನ ಮಾಡಲು ಮುಂದಾಗಿದ್ದೇವೆ. ನಾನಿಲ್ಲೇ ಹುಟ್ಟಿ ಬೆಳೆದು ಈ ಭೂಮಿಗೆ ಸಂಬಂಧಿಸಿದಂತೆ ಇರುವ ಯಾವುದಾದರೂ ಪ್ರಾಣಿಯ ಹಬ್ಬವನ್ನ ಮಾಡಬೇಕು ಎಂದು ಆಲೋಚನೆ ಬಂದಾಗ ನಾವು ಕಪ್ಪೆ ಹಬ್ಬವನ್ನ ಮಾಡಬೇಕೆಂದು ತೀರ್ಮಾನ ಮಾಡಿದ್ದೇವೆ. ನಾನು ವನ್ಯ ಜೀವಿ ವಿಭಾಗಕ್ಕೆ ಡಿಸಿಎಫ್ ಆಗಿ ಬಂದಾಗ, ಕೋಗಾರ್‌ ಕಡೆಯಲ್ಲಿ ಕಾಡುಗಳಲ್ಲಿ ಸಂಚರಿಸುವಾಗ ಶರಾವತಿ ಹಿನ್ನೀರ ಪ್ರದೇಶ, ಹಳ್ಳ ಕೊಳ್ಳಗಳಲ್ಲಿ ವಿಚಿತ್ರ ರೀತಿಯ ಕಪ್ಪೆಗಳನ್ನ ಕಂಡಿದ್ದೇನೆ. ಚಿಕ್ಕ ಗಾತ್ರದಿಂದ ದೊಡ್ಡ ಗಾತ್ರದವರೆಗೆ ಕಪ್ಪೆಗಳಿವೆ. ಸುಮಾರು ಪ್ರಬೇಧಗಳು ಕಪ್ಪೆಯಲ್ಲಿವೆ. ನಮಗೆ ಒಂದು ನಲವತ್ತು ಐವತ್ತು ಗೊತ್ತಿರಬಹುದಷ್ಟೇ..! ಇದರ ಬಗ್ಗೆ ಸಂಶೋಧನೆ ಮಾಡಿದವರಲ್ಲಿ ಕೇಳಿದಾಗ ಇದರಲ್ಲಿ ನಾಲ್ಕು ನೂರು, ಐದು ನೂರು ವಿಧದ ಕಪ್ಪೆಗಳಿವೆ ಎಂದು ಹೇಳುತ್ತಾರೆ.
ಕಪ್ಪೆಹಬ್ಬ ಪೂರ್ವಭಾವಿ ಕಾರ್ಯಕ್ರಮ. ಏಕೆಂದರೆ ಜೂನ್‌ ಜುಲೈ ಸಮಯದಲ್ಲಿ ನಮಗೆ ಸಾಕಷ್ಟು ಕಪ್ಪೆಗಳು ಕಾಣ ಸಿಗುತ್ತವೆ. ಮುಂಗಾರು ಆರಂಭದ ಸಮಯದಲ್ಲಿ ದೊಡ್ಡ ಮಟ್ಟದ ಕಪ್ಪೆ ಹಬ್ಬವನ್ನ ನಾವು ಮಾಡಬೇಕು ಎಂದು ಕೊಂಡಿದ್ದೇವೆ. ಡಿಸೆಂಬರ್‌ 18ರಂದು ಕಪ್ಪೆ ಹಬ್ಬವನ್ನ ಶುರುಮಾಡುತ್ತಿದ್ದೇವೆ. ಇದೊಂದು ಉದ್ಘಾಟನೆಯಂತಹ ಕಾರ್ಯಕ್ರಮವಷ್ಟೇ..! ಇದರಲ್ಲಿ ನಮ್ಮ ಜಿಲ್ಲೆಯ ಸಾಕಷ್ಟು ಪರಿಣತರೂ ಭಾಗವಹಿಸುತ್ತಾರೆ. ಹೊರ ಜಿಲ್ಲೆಯ ಸಾಕಷ್ಟು ಸಂಶೋಧಕರೂ ಸಹ ಭಾಗವಹಿಸುತ್ತಾರೆ. ಈ ಸಂದರ್ಭದಲ್ಲಿ ನಾನು ಕಪ್ಪೆ ಉತ್ಸವವನ್ನ ಸಣ್ಣ ಪ್ರಮಾಣದಲ್ಲಿ ಆರಂಭಿಸಿದರು ಸಹ ದೇಶದ ವಿವಿಧೆಡೆಯಿಂದ ಫೋನ್‌ ಮಾಡಿ ಈ ಬಗ್ಗೆ ವಿಚಾರಿಸಲು ಆರಂಭಿಸಿದ್ದಾರೆ. ಅದು ಚಿಕ್ಕ ಮಟ್ಟಕ್ಕೆ ಆರಂಭವಾಗಿ ದೊಡ್ಡದಾಗಿ ತಲುಪಿದೆ ಎಂದರು.
ಈ ಹಬ್ಬದಲ್ಲಿ ಅಂತಾರಾಷ್ಟ್ರೀಯ ಮಟ್ಟದ ಉಭಯವಾಸಿ ಸಂಶೋಧಕ ವಿಜ್ಞಾನಿ ಡಾ ಕೆ.ವಿ.ಗುರುರಾಜ್, ಉಭಯವಾಸಿ ಸಂರಕ್ಷಣಾ ತಜ್ಞ ಓಂಕಾರ್ ಪೈ, ಡಾ ಪ್ರೀತಿ ಹೆಬ್ಬಾರ್, ಡಾ. ಶೇಷಾದ್ರಿ ಕೆ ಎಸ್, ಡಿಸಿಎಫ್ ಬಿ ಎಂ ರವೀಂದ್ರ ಕುಮಾರ್, ಡಾ ವಿನೀತ್ ಕುಮಾರ್ ಮತ್ತಿತರ ತಜ್ಞರು ಉಭಯವಾಸಿಗಳ ಕುರಿತ ವಿವಿಧ ಅಧ್ಯಯನಗಳ ಬಗ್ಗೆ ಮಾತನಾಡಲಿದ್ದಾರೆ. ಅಲ್ಲದೆ, ಅರಣ್ಯ ಇಲಾಖೆ ಮತ್ತು ಸಾರ್ವಜನಿಕರ ನಡುವಿನ ವಿವಿಧ ಸಂಶೋಧಕರು ಕೂಡ ತಮ್ಮ ಅನುಭವಗಳನ್ನು ಹಂಚಿಕೊಳ್ಳಲಿದ್ದಾರೆ. ಡಿ.18ರಂದು ಬೆಳಿಗ್ಗೆ 11 ಗಂಟೆಗೆ ಕಪ್ಪೆ ಹಬ್ಬವನ್ನು ರಾಜ್ಯ ಅರಣ್ಯ ಪಡೆಯ ಮುಖ್ಯಸ್ಥರಾದ ಪಿಸಿಸಿಎಫ್ ಸಂಜಯ್ ಮೋಹನ್ ಉದ್ಘಾಟಿಸಲಿದ್ದು, ಪಿಸಿಸಿಎಫ್ (ಮಾಹಿತಿ ಮತ್ತು ತಂತ್ರಜ್ಞಾನ ವಿಭಾಗ) ರೀತು ಕಕ್ಕರ್ ಇರುತ್ತಾರೆ. ಡಿ.೧೯ರ ಮಧ್ಯಾಹ್ನ 12 ಗಂಟೆಗೆ ಸಮಾರೋಪ ಸಮಾರಂಭ ನಡೆಯಲಿದೆ.
ಸಂಬಂಧಿತ ವಿಡಿಯೋಗಳು
ಲೋಕಸಭೆ ಚುನಾವಣೆ ಫಲಿತಾಂಶ ಸಿದ್ದು, ಡಿಕೆಶಿ ಇಬ್ಬರ ಮೇಲೂ ಪರಿಣಾಮ ಬೀರುತ್ತೆ ; ವಿಜಯೇಂದ್ರಶಿವಮೊಗ್ಗ
ದೇವೇಗೌಡ್ರ ಕುಟುಂಬದ ಹೆಸರು ಏಕೆ ತರ್ತೀರಾ? ಇದು ಇಡೀ ಸಮಾಜಕ್ಕೆ ಮುಜುಗರ: ಎಚ್ಡಿ ಕುಮಾರಸ್ವಾಮಿಶಿವಮೊಗ್ಗ
Lok Sabha Elections 2024 : ಕಾಂಗ್ರೆಸ್ ಅಭ್ಯರ್ಥಿ ಗೀತಾ ಶಿವರಾಜ್ಕುಮಾರ್ ಆಸ್ತಿ ವಿವರ ಸಲ್ಲಿಕೆಶಿವಮೊಗ್ಗ
ಶಿವಮೊಗ್ಗದಲ್ಲಿ ಮಳೆಯ ಆರ್ಭಟ; ಭದ್ರಾವತಿಯಲ್ಲಿ ಧರೆಗುರುಳಿದ ಮರಗಳು..!ಶಿವಮೊಗ್ಗ
'ಸುಳ್ಳು ಹೇಳುವುದೇ ಕಾಂಗ್ರೆಸ್ನ ಅಜೆಂಡಾ'- ಶಿವಮೊಗ್ಗದಲ್ಲಿ ಪ್ರಧಾನಿ ಮೋದಿಶಿವಮೊಗ್ಗ
ಅರ್ಚಕರಿಗೆ ನೋಟಿಸ್ ನೀಡಿದ್ದು, ಹಿಂದೂ ಸಮಾಜಕ್ಕೆ ಮಾಡಿದ ಅಪಮಾನ ; ಈಶ್ವರಪ್ಪಶಿವಮೊಗ್ಗ
200 ಮೀಟರ್ ಓಟದಲ್ಲಿ ರಾಜ್ಯಕ್ಕೆ ಪ್ರಥಮ; ರಾಷ್ಟ್ರಮಟ್ಟಕ್ಕೆ ಆಯ್ಕೆಯಾದ ಸರ್ಕಾರಿ ಶಾಲೆ ಯುವತಿ..!ಶಿವಮೊಗ್ಗ
ಯುವನಿಧಿಗೆ ಚಾಲನೆ: ಪದವೀಧರರಿಗೆ 3000 ರೂ., ಡಿಪ್ಲೊಮಾ ಮಾಡಿರುವ ನಿರುದ್ಯೋಗಿ ಯುವಜನರ ಖಾತೆಗೆ 1,500 ರೂ.ಶಿವಮೊಗ್ಗ
ಬಿಜೆಪಿ ಕಾರ್ಯಕರ್ತನ ಮೇಲೆ ಕಾಂಗ್ರೆಸ್ ಶಾಸಕರ ಬೆಂಬಲಿಗರಿಂದ ಹಲ್ಲೆ ; ಸಂಸದ ಬಿವೈ ರಾಘವೇಂದ್ರಶಿವಮೊಗ್ಗ
ಕಾಂಗ್ರೆಸ್ನಲ್ಲಿ ಶೆಟ್ಟರ್ನ ಸಿಎಂ, ಪಿಎಂ ಮಾಡಿ ಬಿಡ್ತಾರಾ ನೋಡೋಣ ; ಈಶ್ವರಪ್ಪಶಿವಮೊಗ್ಗ
ಭಾರತದೊಂದಿಗೆ ಸೇರಿ ಹೋಗಲಿದೆ ಪಾಕಿಸ್ತಾನ, ಮೋದಿಗಾಗಿ ಕಾಯುತ್ತಿರುವ ಪಾಕಿಸ್ತಾನಿಯರು: ಕೆಎಸ್ ಈಶ್ವರಪ್ಪಶಿವಮೊಗ್ಗ