ಅಭಿಷೇಕ್- ಅವಿವಾ ಕಲ್ಯಾಣಕ್ಕೆ ಶುರುವಾಯ್ತು ದಿನಗಣನೆ; 'ರೆಬೆಲ್ ಸ್ಟಾರ್' ಮನೆಯಲ್ಲಿ ಮದುವೆ ಸಂಭ್ರಮ
1938 views
ಮನರಂಜನೆ ವಿಡಿಯೋಗಳಿಗೆ ಚಂದಾದಾರರಾಗಿಸ್ಯಾಂಡಲ್ವುಡ್ ಸದ್ಯ ಒಂದು ಅದ್ದೂರಿ ಮದುವೆ ಸಾಕ್ಷಿ ಆಗಲಿದೆ. ಹೌದು, ರೆಬೆಲ್ ಸ್ಟಾರ್ ಅಂಬರೀಷ್ ಮತ್ತು ಸಂಸದೆ ಸುಮಲತಾ ಅಂಬರೀಷ್ ಅವರ ಪುತ್ರ, ನಟ ಅಭಿಷೇಕ್ ಅವರ ಮದುವೆಯು ಇದೇ ಜೂನ್ 5ರಂದು ಬೆಂಗಳೂರಿನಲ್ಲಿ ನಡೆಯಲಿದೆ. ಖ್ಯಾತ ಫ್ಯಾಷನ್ ಡಿಸೈನರ್ ಪ್ರಸಾದ್ ಬಿದ್ದಪ್ಪ ಪುತ್ರಿ ಅವಿವಾ ಬಿದ್ದಪ್ಪ ಜತೆಗೆ ದಾಂಪತ್ಯ ಜೀವನಕ್ಕೆ ಅಭಿಷೇಕ್ ಕಾಲಿಡಲಿದ್ದಾರೆ. ಸದ್ಯ ಜೆಪಿ ನಗರದಲ್ಲಿರುವ ಅಂಬಿ ನಿವಾಸದಲ್ಲಿ ಮದುವೆ ಸಿದ್ಧತೆಗಳು ಆರಂಭವಾಗಿವೆ. ಅಂಬರೀಷ್ ಅವರ ಮನೆ ಅಲಂಕಾರದಿಂದ ಕಂಗೊಳಿಸುತ್ತಿದೆ.ಜೂನ್ 2ರಿಂದಲೇ ಮದುವೆ ಶಾಸ್ತ್ರಗಳು ಆರಂಭವಾಗಲಿದ್ದು, ಮೊದಲಿಗೆ ಮೆಹಂದಿ ಕಾರ್ಯಕ್ರಮ ನಡೆಯಲಿದೆ. ಜೂನ್ 3ರಂದು ಅದ್ದೂರಿ ಸಂಗೀತ್ ಕಾರ್ಯಕ್ರಮ ಆಯೋಜಿಸಲಾಗಿದೆ. ಜೂನ್ 4ರಂದು ಚಪ್ಪರದ ಶಾಸ್ತ್ರ ನಡೆಯಲಿದ್ದು, ಜೂನ್ 5ರಂದು ಅದ್ದೂರಿಯಾಗಿ ಮದುವೆ ನಡೆಯಲಿದೆ. ಜೂನ್ 7ರಂದು ಆರತಕ್ಷತೆಯನ್ನು ಆಯೋಜಿಸಲಾಗಿದೆ. ಈ ಮದುವೆಗೆ ಕನ್ನಡ ಚಿತ್ರರಂಗದ ಗಣ್ಯರು ಮಾತ್ರವಲ್ಲದೆ, ಪರಭಾಷೆಯಿಂದಲೂ ದೊಡ್ಡ ದೊಡ್ಡ ಸ್ಟಾರ್ಗಳು ಆಗಮಿಸುವ ಸಾಧ್ಯತೆ ಇದೆ. ರಜನಿಕಾಂತ್, ಚಿರಂಜೀವಿ, ಮೋಹನ್ಬಾಬು ಸೇರಿದಂತೆ ಸಾಕಷ್ಟು ಮಂದಿ ಬರುವ ನಿರೀಕ್ಷೆ ಇದೆ. ಇನ್ನೂ, ರಾಜಕೀಯ ಕ್ಷೇತ್ರದಿಂದಲೂ ಅನೇಕರು ಗಣ್ಯರು ಮದುವೆಗೆ ಆಗಮಿಸಿ, ನವ ಜೋಡಿಗೆ ಹಾರೈಸಲಿದ್ದಾರೆ.