ವೋಟ್ ಹಾಕಿದ್ಮೇಲೆ ಮುಂದಿನ ಎರಡು ಸಿನಿಮಾಗಳ ಬಗ್ಗೆ ಬಿಗ್ ಅಪ್ಡೇಟ್ ಕೊಟ್ಟ ರಕ್ಷಿತ್ ಶೆಟ್ಟಿ
2319 views
ಮನರಂಜನೆ ವಿಡಿಯೋಗಳಿಗೆ ಚಂದಾದಾರರಾಗಿನಟ ರಕ್ಷಿತ್ ಶೆಟ್ಟಿ ಅವರು ಹುಟ್ಟೂರಾದ ಉಡುಪಿಗೆ ಆಗಮಿಸಿ, ಮತದಾನ ಮಾಡಿದರು. ಮತದಾನ ಬಳಿಕ ಅಮೆರಿಕಕ್ಕೆ ಹೊರಟಿದ್ದಾರೆ. ಮೇ 10ರಂದೇ ಅಮೆರಿಕಕ್ಕೆ ಜರ್ನಿ ಮಾಡಲಿದ್ದಾರೆ. ಅವರು ಅಮೆರಿಕಕ್ಕೆ ಹೋಗುತ್ತಿರುವುದಕ್ಕೆ ಕಾರಣ, 'ರಿಚರ್ಡ್ ಆಂಟನಿ'. ಈ ಬಗ್ಗೆ ಮಾಹಿತಿ ನೀಡಿದ ರಕ್ಷಿತ್ ಶೆಟ್ಟಿ, 'ಮತದಾನ ಮಾಡಿ, ಅಮೆರಿಕಕ್ಕೆ ಹೋಗುತ್ತಿದ್ದೇನೆ. 'ರಿಚರ್ಡ್ ಆಂಟನಿ' ಸಿನಿಮಾದ ಫೈನಲ್ ಸ್ಕ್ರಿಪ್ಟ್ ಡ್ರಾಫ್ಟ್ ಬರೆಯಬೇಕಿದೆ. ಆದರೆ ಇಲ್ಲಿ ಇದ್ದು ಸ್ಕ್ರಿಪ್ಟ್ ಬರೆಯುವಾಗ ತುಂಬ ಕಾಲ್ ಬರ್ತಾ ಇರ್ತವೆ. ಏನಾದರೊಂದು ಡಿಸ್ಟರ್ಬ್ ಆಗುತ್ತಲೇ ಇರುತ್ತದೆ. ಆದರೆ ಅಮೆರಿಕದಲ್ಲಿ ಬೆಳಕು ಇದ್ದಾಗ ಇಲ್ಲಿ ಕತ್ತಲು ಇರುತ್ತದೆ. ಅಲ್ಲಿ ನಾನು ಎದ್ದು ಕೆಲಸ ಮಾಡುವಾಗ ಇಲ್ಲಿ ಎಲ್ರೂ ಮಲಗಿರುತ್ತಾರೆ. ಅದಕ್ಕಾಗಿ ಈ ಐಡಿಯಾ ಮಾಡಿಕೊಂಡಿದ್ದೇನೆ' ಎಂದಿದ್ದಾರೆ. ರಕ್ಷಿತ್ ಅವರ 'ಸಪ್ತ ಸಾಗರದಾಚೆ ಎಲ್ಲೋ' ಸಿನಿಮಾದ ಶೂಟಿಂಗ್ ಸಂಪೂರ್ಣವಾಗಿ ಮುಗಿದಿದ್ದು, ಪೋಸ್ಟ್ ಪ್ರೊಡಕ್ಷನ್ಸ್ ಕೆಲಸಗಳು ನಡೆಯುತ್ತಿದೆ. 'ಸಪ್ತ ಸಾಗರದಾಚೆ ಎಲ್ಲೋ ' ಸಿನಿಮಾವು ಸದ್ಯದ ಪ್ಲ್ಯಾನ್ ಪ್ರಕಾರ, ಜುಲೈ ಅಂತ್ಯದಲ್ಲಿ ಬರುವ ನಿರೀಕ್ಷೆ ಇದೆ. ಆ ಸಿನಿಮಾವು ರಿಲೀಸ್ ಆದ ಕೂಡಲೇ 'ರಿಚರ್ಡ್ ಆಂಟನಿ' ಸಿನಿಮಾದ ಶೂಟಿಂಗ್ ಆರಂಭವಾಗಲಿದೆ. ಇದರ ಜತೆಗೆ ರಾಜಕಾರಣದ ಬಗ್ಗೆಯೂ ರಕ್ಷಿತ್ ಮಾತನಾಡಿದ್ದು, ಈ ವಿಡಿಯೋ ನೋಡಿ.
ಮತದಾನ ಮಾಡಿ ಅಮೆರಿಕಕ್ಕೆ ಹೊರಡಲು ರೆಡಿಯಾದ ನಟ ರಕ್ಷಿತ್ ಶೆಟ್ಟಿ; ಇದರ ಹಿಂದಿದೆ ಬಲವಾದ ಕಾರಣ
ಮತದಾನ ಮಾಡಿ ಅಮೆರಿಕಕ್ಕೆ ಹೊರಡಲು ರೆಡಿಯಾದ ನಟ ರಕ್ಷಿತ್ ಶೆಟ್ಟಿ; ಇದರ ಹಿಂದಿದೆ ಬಲವಾದ ಕಾರಣ