ನಿಶ್ಚಿತಾರ್ಥದ ಬಳಿಕ ಮುಂಬೈಗೆ ಮರಳಿದ ನಟಿ ಪರಿಣೀತಿ ಚೋಪ್ರಾಗೆ ಪಾಪರಾಜಿಗಳು ಏನಂದ್ರು ನೋಡಿ
1208 views
ಮನರಂಜನೆ ವಿಡಿಯೋಗಳಿಗೆ ಚಂದಾದಾರರಾಗಿನಟಿ ಪರಿಣೀತಿ ಚೋಪ್ರಾ ಅವರು ಆಮ್ ಆದ್ಮಿ ಪಕ್ಷದ ರಾಜ್ಯಸಭಾ ಸದಸ್ಯ ರಾಘವ್ ಚಡ್ಡಾ ಅವರ ಜತೆಗೆ ಮೇ 13ರಂದು ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಇಬ್ಬರ ನಡುವೆ ಏನೋ ನಡೆಯುತ್ತಿದೆ ಎಂದು ಹಲವು ದಿನಗಳಿಂದ ಗಾಸಿಪ್ಗಳು ಕೇಳಿಬರುತ್ತಲೇ ಇದ್ದವು. ಆದರೆ ಆ ಬಗ್ಗೆ ಇಬ್ಬರು ಕೂಡ ಮೌನ ಮುರಿದಿರಲಿಲ್ಲ. ಆದರೆ ಮೇ 13ರಂದು ನಿಶ್ಚಿತಾರ್ಥ ಮಾಡಿಕೊಳ್ಳುವ ಮೂಲಕ ಎಲ್ಲಾ ಗಾಸಿಪ್ಗೂ ಉತ್ತರ ನೀಡಿದ್ದರು. ನಿಶ್ಚಿತಾರ್ಥ ಸಮಾರಂಭಕ್ಕಾಗಿ ದೆಹಲಿಯಲ್ಲಿ ಬೀಡುಬಿಟ್ಟಿದ್ದ ಪರಿಣೀತಿ ಸದ್ಯ ಮುಂಬೈಗೆ ವಾಪಸ್ ಆಗಿದ್ದಾರೆ. ಮುಂಬೈ ಏರ್ಪೋರ್ಟ್ನಲ್ಲಿ ಪರಿಣೀತಿ ಅವರನ್ನು ಕಾಣುತ್ತಲೇ ಅಭಿಮಾನಿಗಳು ಸೆಲ್ಫಿಗಾಗಿ ಮುಗಿಬಿದ್ದರು. ಇನ್ನು, ಪಾಪರಾಜಿಗಳ ಶುಭಾಶಯಗಳಿಗೆ ಪರಿಣೀತಿ ನಾಚಿ ನೀರಾದರು. ಈ ಮಧ್ಯೆ 'ಮದ್ವೆ ಯಾವಾಗ ಮೇಡಂ' ಎಂಬ ಪ್ರಶ್ನೆ ಕೂಡ ಪಾಪರಾಜಿಗಳ ಕಡೆಯಿಂದ ತೂರಿಬಂತು. ಆದರೆ, ಯಾವುದಕ್ಕೂ ಉತ್ತರಿಸದ ಪರಿಣೀತಿ, 'ಧನ್ಯವಾದಗಳು' ಎಂದು ಹೇಳುತ್ತ, ಕಾರು ಏರಿ ಹೊರಟೇ ಹೋದರು. ಇಲ್ಲಿದೆ ನೋಡಿ ಆ ವಿಡಿಯೋ.