ನಟಿ ಸಮಂತಾಗೆ ದೇವಸ್ಥಾನ ನಿರ್ಮಾಣ ಮಾಡಿದ ಫ್ಯಾನ್; ಎಲ್ಲಿದೆ ಈ ಟೆಂಪಲ್?
1370 views
ಮನರಂಜನೆ ವಿಡಿಯೋಗಳಿಗೆ ಚಂದಾದಾರರಾಗಿಅಭಿಮಾನಿಗಳು ತಮ್ಮ ಮೆಚ್ಚಿನ ಕಲಾವಿದರನ್ನು ಪ್ರೀತಿಯಿಂದ ಆರಾಧಿಸುತ್ತಾರೆ. ಕೆಲವರು ಮಾತ್ರ ಒಂದು ಹೆಜ್ಜೆ ಮುಂದೆ ಹೋಗಿ ಮೆಚ್ಚಿನ ಸ್ಟಾರ್ಗೆ ದೇವಸ್ಥಾನವನ್ನೇ ಕಟ್ಟಿಸಿದ ಉದಾಹರಣೆಗಳಿವೆ. ಬಹುಭಾಷಾ ನಟಿ ಖುಷ್ಬೂ ಅವರಿಗೆ ಅಭಿಮಾನಿಯೊಬ್ಬ ತಮಿಳುನಾಡಿನಲ್ಲಿ ದೇವಸ್ಥಾನ ಕಟ್ಟಿಸಿದ್ದರು. ನಟಿಯರಾದ ನಿಧಿ ಅಗರ್ವಾಲ್, ಹನ್ಸಿಕಾ, ನಯನತಾರಾ, ನಮಿತಾ ಅವರಿಗೂ ಟೆಂಪಲ್ ಕಟ್ಟಿದ್ದನ್ನು ನೋಡಿದ್ದೇವೆ. ಇದೀಗ ಅಭಿಮಾನಿಯೊಬ್ಬ ಸಮಂತಾಗೆ ಗುಡಿ ಕಟ್ಟಿದ್ದಾರೆ. ಅಚ್ಚರಿ ಎನಿಸಿದರೂ ಇದು ಸತ್ಯ!ಸಂದೀಪ್ ತೆನಾಲಿ ಹೆಸರಿನ ಈ ಅಭಿಮಾನಿ ಈಗ ಸಮಂತಾ ಹೆಸರಿನಲ್ಲಿ ದೇವಸ್ಥಾನ ನಿರ್ಮಾಣ ಮಾಡಿದ್ದು, ಸಮಂತಾ ಹುಟ್ಟುಹಬ್ಬದಂದು (ಏಪ್ರಿಲ್ 28) ಈ ದೇವಸ್ಥಾನ ಉದ್ಘಾಟನೆ ಆಗಲಿದೆಯಂತೆ. ಅಂದಹಾಗೆ, ಈ ಸಮಂತಾ ಟೆಂಪಲ್ ಆಂಧ್ರಪ್ರದೇಶದ ಬಾಪಟ್ಲಾ ಎಂಬ ಊರಿನಲ್ಲಿದೆ. ನಟಿ ಸಮಂತಾಗೆ ಡೈ ಹಾರ್ಡ್ ಫ್ಯಾನ್ ಆಗಿರುವ ಸಂದೀಪ್, ಈವರೆಗೂ ಸಮಂತಾ ಅವರನ್ನು ಭೇಟಿಯಾಗಿಲ್ಲ. ಆದರೂ ಸಮಂತಾ ಮೇಲಿನ ಅಭಿಮಾನಕ್ಕೆ ಈ ದೇವಾಲಯ ನಿರ್ಮಾಣ ಮಾಡುತ್ತಿದ್ದಾರೆ. ಓರ್ವ ನಟಿ ಅಂತಷ್ಟೇ ಅಲ್ಲ, ಪ್ರತ್ಯುಷ ಫೌಂಡೇಷನ್ ಮೂಲಕ ಸ್ಯಾಮ್ ಅನೇಕ ಸಾಮಾಜಿಕ ಕೆಲಸಗಳನ್ನು ಮಾಡಿದ್ದಾರೆ. ಹಾಗಾಗಿಯೇ ನಾನು ಅವರ ಅಭಿಮಾನಿ ಆಗಿದ್ದೇನೆ ಅಂತ ಹೆಮ್ಮೆಯಿಂದ ಹೇಳ್ತಾರೆ ಸಂದೀಪ್. ಆದರೆ ಈ ದೇವಸ್ಥಾನ ನಿರ್ಮಾಣದ ಬಗ್ಗೆ ಸಮಂತಾ ಮಾತ್ರ ಈವರೆಗೂ ಏನೊಂದು ರಿಯಾಕ್ಷನ್ ನೀಡಿಲ್ಲ.