ತಿರುಪತಿ ತಿಮ್ಮಪ್ಪನಿಗೆ ಮುಡಿ ಕೊಟ್ಟ ಧನುಷ್ & ಮಕ್ಕಳು; ಹೊಸ ಲುಕ್ನಲ್ಲಿ ತಮಿಳು ನಟ
ತಮಿಳು ನಟ ಧನುಷ್ ಅವರು ಸದ್ಯ 'ಕ್ಯಾಪ್ಟನ್ ಮಿಲ್ಲರ್' ಚಿತ್ರದ ಶೂಟಿಂಗ್ನಲ್ಲಿ ಬ್ಯುಸಿ ಆಗಿದ್ದರು. ಆ ಚಿತ್ರದ ಬಹುತೇಕ ಕೆಲಸಗಳನ್ನು ಮುಗಿಸಿರುವ ಧನುಷ್, ಈಗ ಕುಟುಂಬಸಮೇತ ಸೋಮವಾರ ತಿರುಪತಿ ವೆಂಕಟರಮಣ ಸ್ವಾಮಿ ದರ್ಶನ ಪಡೆದಿದ್ದಾರೆ. ತಮ್ಮ ಮಕ್ಕಳಾದ ಯಾತ್ರ ಮತ್ತು ಲಿಂಗ ಜೊತೆ ಧನುಷ್ ಕೂಡ ತಿರುಪತಿ ತಿಮ್ಮಪ್ಪನಿಗೆ ಮುಡಿ ಕೊಟ್ಟಿದ್ದಾರೆ. ಈ ವೇಳೆ ಧನುಷ್ ಅವರ ತಾಯಿ ಮತ್ತು ತಂದೆ ಕೂಡ ಜೊತೆಗಿದ್ದರು. 'ಕ್ಯಾಪ್ಟನ್ ಮಿಲ್ಲರ್' ಚಿತ್ರದಲ್ಲಿ ಧನುಷ್ ಅವರು ಉದ್ದನೆಯ ಕೂದಲು ಮತ್ತು ಗಡ್ಡದ ಲುಕ್ನಲ್ಲಿದ್ದರು. ಇದೀಗ ಅವರು ಮುಡಿ ಕೊಟ್ಟಿರುವುದರಿಂದ, ಹೊಸ ಸಿನಿಮಾದಲ್ಲೂ ಇದೇ ಲುಕ್ ಮುಂದುವರಿಯಲಿದೆಯೇ ಎಂಬ ಪ್ರಶ್ನೆ ಅಭಿಮಾನಿಗಳದ್ದು. ಸದ್ಯ ಧನುಷ್ ಮತ್ತು ಅವರ ಕುಟುಂಬದ ತಿರುಪತಿ ಭೇಟಿಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ.ಇನ್ನು, ಧನುಷ್ ಅವರ ಇತ್ತೀಚಿನ 'ತಿರುಚಿಟ್ರಂಬಲಮ್', 'ವಾಥಿ' ಚಿತ್ರಗಳು ಬಾಕ್ಸ್ ಆಫೀಸ್ನಲ್ಲಿ ಸಕ್ಸಸ್ ಆಗಿವೆ. 'ಕ್ಯಾಪ್ಟನ್ ಮಿಲ್ಲರ್' ಚಿತ್ರದ ಮೇಲೆಯೂ ಭಾರಿ ನಿರೀಕ್ಷೆ ಇಟ್ಟುಕೊಳ್ಳಲಾಗಿದೆ. ಈ ನಡುವೆ ಹಿಂದಿಯಲ್ಲಿ ನಿರ್ದೇಶಕ ಆನಂದ್ ಎಲ್ ರಾಯ್ ಜೊತೆಗೆ 'ತೇರೆ ಇಷ್ಕ್ ಮೇ' ಸಿನಿಮಾವನ್ನು ಧನುಷ್ ಒಪ್ಪಿಕೊಂಡಿದ್ದಾರೆ. ಇದೆಲ್ಲದರ ಜೊತೆಗೆ ಧನುಷ್ ಅವರ 50ನೇ ಸಿನಿಮಾದ ಬಗ್ಗೆಯೂ ಭಾರಿ ಚರ್ಚೆ ಆರಂಭವಾಗಿದೆ. ಈ ಸಿನಿಮಾವನ್ನು ಸ್ವತಃ ಧನುಷ್ ಅವರೇ ನಿರ್ದೇಶನ ಮಾಡಲಿದ್ದಾರೆ ಎನ್ನಲಾಗಿದೆ. ಈ ಹಿಂದೆ ಅವರು 'ಪಾ ಪಾಂಡಿ' ಚಿತ್ರವನ್ನು ನಿರ್ದೇಶನ ಮಾಡಿದ್ದರು. ಈಗ ಎರಡನೇ ಸಿನಿಮಾ ಬಾರಿಗೆ ಆಕ್ಷನ್-ಕಟ್ ಹೇಳುವ ತಯಾರಿಯಲ್ಲಿ ಅವರಿದ್ದಾರೆ.- entertainment
- Captain Miller Actor Dhanush And His Family Visit Tirupati Venkateswara Swamy Temple