ಶಾರುಖ್ ಖಾನ್ಗೆ ಜನ್ಮದಿನದ ಸಂಭ್ರಮ; ಮನ್ನತ್ ಎದುರು ಜಮಾಯಿಸಿದ 'ಕಿಂಗ್ ಖಾನ್' ಫ್ಯಾನ್ಸ್
ಮನರಂಜನೆ ವಿಡಿಯೋಗಳಿಗೆ ಚಂದಾದಾರರಾಗಿ
ಬಾಲಿವುಡ್ ಕಿಂಗ್ ಖಾನ್ ಶಾರುಖ್ ಖಾನ್ ಅವರು 58ನೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ. ಈ ವರ್ಷ ಶಾರುಖ್ ಖಾನ್ ಪಾಲಿಗೆ ಸಖತ್ ಲಕ್ಕಿ ಅಂತಾನೇ ಹೇಳಬಹುದು. ಯಾಕೆಂದರೆ, ಸಣ್ಣ ಗ್ಯಾಪ್ನ ಬಳಿಕ ಈ ವರ್ಷ ಅವರ 'ಪಠಾಣ್' ಸಿನಿಮಾ ತೆರೆಗೆ ಬಂತು, ಬ್ಲಾಕ್ ಬಸ್ಟರ್ ಹಿಟ್ ಕೂಡ ಆಯ್ತು. ಸೆಪ್ಟೆಂಬರ್ನಲ್ಲಿ ತೆರೆಕಂಡ 'ಜವಾನ್' ಕೂಡ ಬಾಕ್ಸ್ ಆಫೀಸ್ನಲ್ಲಿ ಸಾವಿರಾರು ಕೋಟಿ ಬಾಚಿಕೊಳ್ತು. ಹೀಗೆ ಒಂದೇ ವರ್ಷ ಎರಡು ಬಿಗ್ ಹಿಟ್ ನೀಡಿ, ದೊಡ್ಡದಾಗಿ ಕಮ್ಬ್ಯಾಕ್ ಮಾಡಿದ್ದಾರೆ ಶಾರುಖ್ ಖಾನ್. ಹಾಗಾಗಿ, ಈ ಬರ್ತ್ಡೇ ಸಖತ್ ಸ್ಪೆಷಲ್. ಎಂದಿನಂತೆ ಶಾರುಖ್ ಖಾನ್ ಫ್ಯಾನ್ಸ್ ಮನ್ನತ್ ಎದುರು ಮಧ್ಯರಾತ್ರಿಯಿಂದಲೇ ನೂರಾರು ಸಂಖ್ಯೆಯಲ್ಲಿ ಜಮಾಯಿಸಿದ್ದರು. ಅಭಿಮಾನಿಗಳಿಗೆ ತಮ್ಮದೇ ಸ್ಟೈಲ್ನಲ್ಲಿ ದರ್ಶನ ನೀಡಿದ ನಟ ಶಾರುಖ್ ಖಾನ್ ಅವರು ಎಲ್ಲರಿಗೂ ಥ್ಯಾಂಕ್ಸ್ ಹೇಳಿದರು. ಇನ್ನು, ಶಾರುಖ್ ಹುಟ್ಟುಹಬ್ಬದ ಗಿಫ್ಟ್ ಎಂಬಂತೆ ಅವರ ಜವಾನ್ ಸಿನಿಮಾವನ್ನು ಓಟಿಟಿಯಲ್ಲಿ ರಿಲೀಸ್ ಮಾಡಲಾಗಿದೆ. ನ.1ರ ಮಧ್ಯರಾತ್ರಿಯೇ ಓಟಿಟಿಯಲ್ಲಿ ಜವಾನ್ ಸಿನಿಮಾದ ಸ್ಟ್ರೀಮಿಂಗ್ ಆರಂಭವಾಗಿದೆ. ಸದ್ಯ ಎಲ್ಲರ ಗಮನ ಶಾರುಖ್ ಖಾನ್ ಅವರ ಮುಂದಿನ ಸಿನಿಮಾ 'ಡಂಕಿ' ಮೇಲಿದೆ. ಆ ಸಿನಿಮಾ ಕೂಡ ಇದೇ ವರ್ಷ ಡಿಸೆಂಬರ್ನಲ್ಲಿ ತೆರೆಗೆ ಬರಲಿದೆ.