'ಟೀಮ್ ಇಂಡಿಯಾ' ಜೆರ್ಸಿ ಧರಿಸಿದ ರಾಖಿ ಸಾವಂತ್; 'ವಿರಾಟ್ ಕೊಹ್ಲಿ ಬಂದ್ರು ನೋಡಿ..' ಎಂದ ನೆಟ್ಟಿಗರು!
1315 views
ಮನರಂಜನೆ ವಿಡಿಯೋಗಳಿಗೆ ಚಂದಾದಾರರಾಗಿಬಾಲಿವುಡ್ ನಟಿ ರಾಖಿ ಸಾವಂತ್ ಎಂಥಾ ಡ್ರಾಮಾ ಕ್ವೀನ್ ಅನ್ನೋದು ಎಲ್ಲರಿಗೂ ಗೊತ್ತಿದೆ. ನೆಟ್ಟಗರು ಕೂಡ ರಾಖಿಗೆ 'ಡ್ರಾಮಾ ಕ್ವೀನ್' ಅಂತಲೇ ಹೆಸರನ್ನು ಇಟ್ಟುಬಿಟ್ಟಿದ್ದಾರೆ. ಸದಾ ಒಂದಿಲ್ಲೊಂದು ಅವತಾರದಲ್ಲಿ ಕಾಣಿಸಿಕೊಳ್ಳುವ ರಾಖಿಗೆ ಸದಾ ಪ್ರಚಾರದಲ್ಲಿ ಇರಬೇಕೆಂಬ ಹಂಬಲ. ಅಂದಹಾಗೆ, ಶನಿವಾರ (ಅ.14) ಭಾರತ ಮತ್ತು ಪಾಕಿಸ್ತಾನ ಪಂದ್ಯವಿತ್ತು. ಈ ಪಂದ್ಯದಲ್ಲಿ ಟೀಮ್ ಇಂಡಿಯಾ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನದ ವಿರುದ್ಧ ಭರ್ಜರಿ ಜಯ ಸಾಧಿಸಿದೆ. ಸದ್ಯ ಭಾರತ ತಂಡಕ್ಕೆ ಸಪೋರ್ಟ್ ಮಾಡಬೇಕೆಂಬ ಉದ್ದೇಶದಿಂದ ರಾಖಿ ಸಾವಂತ್ ಅವರು ಟೀಮ್ ಇಂಡಿಯಾದ ಜೆರ್ಸಿ ಧರಿಸಿ, ವೃತ್ತಿಪರ ಕ್ರಿಕೆಟ್ ಆಟಗಾರ್ತಿಯಂತೆ ರೆಡಿಯಾಗಿ ಕ್ರಿಕೆಟ್ ಆಡಿದ್ದಾರೆ. ಅದು ಮುಂಬೈನ ಬೀದಿಬೀದಿಗಳಲ್ಲಿ!ಮುಂಬೈನ ಫುಟ್ಪಾತ್ ಮೇಲೆ ಕ್ರಿಕೆಟ್ ಆಡಿರುವ ರಾಖಿ ಸಾವಂತ್ ಭಾರತ ತಂಡಕ್ಕೆ ಸಪೋರ್ಟ್ ಮಾಡಿದ್ದಾರೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಈ ವಿಡಿಯೋಗಳ ವೈರಲ್ ಆಗುತ್ತಿವೆ. ನೆಟ್ಟಿಗರು ರಾಖಿ ಸಾವಂತ್ ಅವರ ಅವತಾರ ಕಂಡು, 'ವಿರಾಟ್ ಕೊಹ್ಲಿ ಬಂದ್ರು ನೋಡಿ..' ಎಂದು ಕಾಮೆಂಟ್ ಮಾಡಿದ್ದಾರೆ. ಇನ್ನೂ ಕೆಲವರು 'ರಾಖಿ ಸಾವಂತ್ ದೊಡ್ಡ ಡ್ರಾಮಾ ಕ್ವೀನ್..' ಎಂದು ಕಾಲೆಳೆದಿದ್ದಾರೆ.