NTR 30: ಜೂನಿಯರ್ ಎನ್ಟಿಆರ್ಗೆ ಜೋಡಿಯಾಗಲಿದ್ದಾರೆ ಶ್ರೀದೇವಿ ಪುತ್ರಿ ಜಾಹ್ನವಿ ಕಪೂರ್
1002 views
ಮನರಂಜನೆ ವಿಡಿಯೋಗಳಿಗೆ ಚಂದಾದಾರರಾಗಿಒಂದು ಕಾಲದಲ್ಲಿ ನಟಿ ಶ್ರೀದೇವಿ ಅವರು ತೆಲುಗು ಚಿತ್ರರಂಗದಲ್ಲಿ ದೊಡ್ಡ ಸೆನ್ಸೇಷನ್ ಸೃಷ್ಟಿಸಿದ್ದರು. ಅದರಲ್ಲೂ ಎನ್ಟಿಆರ್ ಜೊತೆಗೆ ಹಲವು ಹಿಟ್ ಸಿನಿಮಾಗಳನ್ನು ನೀಡಿದ್ದರು. ಚಿರಂಜೀವಿ, ನಾಗಾರ್ಜುನ್, ವಿಕ್ಟರಿ ವೆಂಕಟೇಶ್ ಹಲವರ ಜೊತೆಗೆ ಶ್ರೀದೇವಿ ಬಣ್ಣ ಹಚ್ಚಿದ್ದರು. ಅಷ್ಟಕ್ಕೂ ಈಗೇಕೆ ಶ್ರೀದೇವಿ ವಿಚಾರ ಎನ್ನುತ್ತೀರಾ? ಅದಕ್ಕೆ ಕಾರಣ ಇದೆ. ಶ್ರೀದೇವಿ ಪುತ್ರಿ, ಬಾಲಿವುಡ್ ನಟಿ ಜಾಹ್ನವಿ ಕಪೂರ್ ಅವರು ಯಾವಾಗ ತೆಲುಗು ಚಿತ್ರರಂಗಕ್ಕೆ ಪ್ರವೇಶಿಸುತ್ತಾರೆ ಎಂಬ ಪ್ರಶ್ನೆ ಹಲವು ಸಮಯದಿಂದ ಕೇಳಿಬರುತ್ತಿತ್ತು. ಅದಕ್ಕೀಗ ಉತ್ತರ ಸಿಗುವ ಸಮಯ ಬಂದಿದೆ. ಎನ್ಟಿಆರ್ ಮೊಮ್ಮಗ ಜೂನಿಯರ್ ಎನ್ಟಿಆರ್ ಅವರ ಮುಂದಿನ ಸಿನಿಮಾಗೆ ಜಾಹ್ನವಿ ಕಪೂರ್ ಅವರೇ ನಾಯಕಿ ಎಂಬ ಸುದ್ದಿ ಪ್ರಬಲವಾಗಿ ಕೇಳಿಬಂದಿದೆ. ಇದೊಂದು ಪ್ಯಾನ್ ಇಂಡಿಯಾ ಸಿನಿಮಾವಾಗಿದ್ದು, ಈ ಸಿನಿಮಾದಲ್ಲಿ ಎನ್ಟಿಆರ್ ಜೊತೆಗೆ ಜಾಹ್ನವಿ ಕಪೂರ್ ಡ್ಯುಯೆಟ್ ಹಾಡುವುದು ಖಚಿತ ಎನ್ನಲಾಗಿದೆ. ಇದು ಎನ್ಟಿಆರ್ ಅವರ 30ನೇ ಸಿನಿವಾಗಿದ್ದು, ಶೀಘ್ರದಲ್ಲೇ ಶೂಟಿಂಗ್ ಆರಂಭವಾಗಲಿದೆ. ಕೊರಟಾಲ ಶಿವ ಇದರ ನಿರ್ದೇಶಕರು. 2024ರ ಏಪ್ರಿಲ್ ವೇಳೆಗೆ ಈ ಸಿನಿಮಾವನ್ನು ತೆರೆಕಾಣಿಸುವುದು ಚಿತ್ರತಂಡದ ಉದ್ದೇಶ.
NTR: ಜೂನಿಯರ್ ಎನ್ಟಿಆರ್ ಫ್ಯಾನ್ಸ್ಗೆ 2023ರಲ್ಲಿ ನಿರಾಸೆ; ಏನಿದು ಹೊಸ ವಿಷಯ?
NTR: ಜೂನಿಯರ್ ಎನ್ಟಿಆರ್ ಫ್ಯಾನ್ಸ್ಗೆ 2023ರಲ್ಲಿ ನಿರಾಸೆ; ಏನಿದು ಹೊಸ ವಿಷಯ?