ಹುಚ್ಚ ವೆಂಕಟ್ ಜೊತೆ ನನ್ನ ಮದುವೆ ಅಂತ ಗಾಸಿಪ್ ಹಬ್ಬಿಸಿದ್ರು: ರಚನಾ ದಶರಥ್
1405 views
ಮನರಂಜನೆ ವಿಡಿಯೋಗಳಿಗೆ ಚಂದಾದಾರರಾಗಿ‘ಸಂತು ಸ್ಟ್ರೇಟ್ ಫಾರ್ವಡ್’, ‘ಅಘೋರ’, ‘ನಮ್ ಗಣಿ ಬಿಕಾಂ ಪಾಸ್’ ಮುಂತಾದ ಸಿನಿಮಾಗಳಲ್ಲಿ ಅಭಿನಯಿಸಿರುವ ನಟಿ ರಚನಾ ದಶರಥ್. ‘ಗೌರಿಪುರದ ಗಯ್ಯಾಳಿಗಳು’ ಸೀರಿಯಲ್ನಲ್ಲಿ ನಟಿಸಿರುವ ರಚನಾ ದಶರಥ್ ಅವರ ಜೀವನದ ಪರಿಚಯವನ್ನ ‘ವಿಜಯ ಕರ್ನಾಟಕ ವೆಬ್’ ಆರಂಭಿಸಿರುವ ‘ನನ್ನ ಲೈಫು’ ಸ್ಪೆಷಲ್ ಸೀರೀಸ್ ವಿಡಿಯೋದಲ್ಲಿ ಮಾಡಿಕೊಡಲಾಗಿದೆ. ನಟಿ ರಚನಾ ದಶರಥ್ ನೇಪಾಳ ಮೂಲದವರಾದರೂ, ಹುಟ್ಟಿ ಬೆಳೆದಿರೋದೆಲ್ಲಾ ಬೆಂಗಳೂರಿನಲ್ಲಿ. ತಂದೆ-ತಾಯಿಗೆ ಹಿರಿಯ ಮಗಳಾಗಿರುವ ರಚನಾ ದಶರಥ್ಗೆ ಓರ್ವ ತಂಗಿ ಹಾಗೂ ತಮ್ಮ ಇದ್ದಾರೆ. ಶಾಲೆಯಲ್ಲಿ ರಾಂಕ್ ಸ್ಟೂಡೆಂಟ್ ಆಗಿದ್ದ ರಚನಾ ದಶರಥ್ ಅವರ ಮನೆಯಲ್ಲಿ 10ನೇ ಕ್ಲಾಸ್ವರೆಗೂ ಟಿವಿ ಆನ್ ಮಾಡುತ್ತಿರಲಿಲ್ಲವಂತೆ. ಶೇಷಾದ್ರಿಪುರಂ ಕಾಲೇಜಿನಲ್ಲಿ ಎಂಬಿಎ ಓದಿದ್ದ ರಚನಾಗೆ ಕಾರ್ಪೊರೇಟ್ ಕಂಪನಿಯಲ್ಲಿ ಕೆಲಸವೂ ಸಿಕ್ಕಿತ್ತು. ಬಳಿಕ ಅಚಾನಕ್ ಆಗಿ ಮಾಡೆಲಿಂಗ್ ಕ್ಷೇತ್ರಕ್ಕೆ ಬಂದ ರಚನಾಗೆ ಚಿತ್ರರಂಗವೂ ಕೈಬೀಸಿ ಕರೆಯಿತು. ‘’ನನಗೆ ಡಿಬಾಸ್ ಅಂದ್ರೆ ತುಂಬಾ ಇಷ್ಟ. ಯಾಕಂದ್ರೆ ಯಾವುದೇ ಪಾತ್ರ ಕೊಟ್ಟರೂ ಅವರು ಮಾಡ್ತಾರೆ’’ ಎಂದು ಸಂದರ್ಶನದಲ್ಲಿ ರಚನಾ ದಶರಥ್ ಹೇಳಿದ್ದಾರೆ. ಇನ್ನೂ, ‘’ಹುಚ್ಚ ವೆಂಕಟ್ ಜೊತೆಗೆ ರಚನಾ ದಶರಥ್ ಸೀಕ್ರೆಟ್ ರಿಲೇಶನ್ಶಿಪ್ನಲ್ಲಿದ್ದಾರಂತೆ. ಹುಚ್ಚ ವೆಂಕಟ್ ಅವರನ್ನ ರಚನಾ ಮದುವೆಯಾಗ್ತಾರಂತೆ’’ ಎಂಬ ಗಾಸಿಪ್ ಕೂಡ ವರ್ಷಗಳ ಹಿಂದೆ ಕೇಳಿಬಂದಿತ್ತು. ಈ ಎಲ್ಲದರ ಬಗ್ಗೆ ಸಂದರ್ಶನದಲ್ಲಿ ರಚನಾ ಮಾತನಾಡಿದ್ದಾರೆ.