ತೆಲುಗಿನ ಹೊಸ ಚಿತ್ರದಿಂದ ಹೊರಬಿದ್ರು ರಶ್ಮಿಕಾ ಮಂದಣ್ಣ; ಆ ಜಾಗಕ್ಕೆ ಕಾಲಿಟ್ರು ಶ್ರೀಲೀಲಾ
1262 views
ಮನರಂಜನೆ ವಿಡಿಯೋಗಳಿಗೆ ಚಂದಾದಾರರಾಗಿನಟಿ ರಶ್ಮಿಕಾ ಮಂದಣ್ಣ ಅವರು ತೆಲುಗಿನ 'ಛಲೋ' ಸಿನಿಮಾದ ಮೂಲಕ ಟಾಲಿವುಡ್ಗೆ ಕಾಲಿಟ್ಟರು. ಆನಂತರ ಹಿಂತಿರುಗಿ ನೋಡುವ ಪ್ರಮೇಯವೇ ರಶ್ಮಿಕಾಗೆ ಬರಲಿಲ್ಲ. ಆ ಸಿನಿಮಾವನ್ನು ವೆಂಕಿ ಕುಡುಮುಲ ಅವರು ನಿರ್ದೇಶನ ಮಾಡಿದ್ದರು. ಟಾಲಿವುಡ್ನಲ್ಲಿ ರಶ್ಮಿಕಾಗೆ ಮೊದಲು ಅವಕಾಶ ನೀಡಿದ ಖ್ಯಾತಿ ವೆಂಕಿ ಅವರದ್ದಾಗಿದೆ. ‘ಛಲೋ’ ಮಾತ್ರವಲ್ಲದೆ, ವೆಂಕಿ ನಿರ್ದೇಶನ ಮಾಡಿದ್ದ, ನಿತಿನ್ ನಟನೆಯ ‘ಭೀಷ್ಮ’ ಸಿನಿಮಾದಲ್ಲಿಯೂ ರಶ್ಮಿಕಾ ಮಂದಣ್ಣ ನಾಯಕಿಯಾಗಿದ್ದರು. ಆ ಸಿನಿಮಾ ಕೂಡ ಹಿಟ್ ಆಗಿತ್ತು. ಆನಂತರ ಈ ಮೂವರು ಮತ್ತೊಂದು ಸಿನಿಮಾ ಆರಂಭಿಸಿದ್ದರು. ಆದರೆ ಈಗ ಇದೇ ಕಾಂಬಿನೇಶನ್ನ ಸಿನಿಮಾದಿಂದ ರಶ್ಮಿಕಾ ಹೊರಬಂದಿದ್ದಾರೆ ಎನ್ನುವ ಸುದ್ದಿ ಎಲ್ಲರನ್ನು ಬೆರಗಾಗಿಸಿದೆ.ಕೆಲವು ದಿನಗಳ ಹಿಂದೆ ವೆಂಕಿ, ರಶ್ಮಿಕಾ ಮತ್ತು ನಿತಿನ್ ಕಾಂಬಿನೇಶನ್ನ ಸಿನಿಮಾ ಅನೌನ್ಸ್ ಆಗಿತ್ತು. ಈಗ ಇದರಿಂದ ರಶ್ಮಿಕಾ ಹೊರಬಂದಿದ್ದಾರೆ. ನಿರ್ಮಾಣ ಸಂಸ್ಥೆ ಮತ್ತು ನಟಿಯು ಪರಸ್ಪರ ಮಾತುಕತೆ ನಡೆಸಿ ಈ ನಿರ್ಧಾರ ಮಾಡಿದ್ದಾರಂತೆ. ಈ ಬಗ್ಗೆ ಸದ್ಯದಲ್ಲೇ ಅಧಿಕೃತ ಅನೌನ್ಸ್ಮೆಂಟ್ ಆಗಲಿದೆ. ರಶ್ಮಿಕಾ ಮಂದಣ್ಣ ಡೇಟ್ಸ್ ಸಮಸ್ಯೆಯಿಂದಾಗಿ ಈ ಸಿನಿಮಾದಿಂದ ಹೊರಬಂದಿದ್ದಾರೆ ಎನ್ನಲಾಗುತ್ತಿದೆ. ರಶ್ಮಿಕಾ, ವೆಂಕಿ, ನಿತಿನ್ ಕಾಂಬಿನೇಷನ್ನಿಂದಾಗಿ ಸಿಕ್ಕಾಪಟ್ಟೆ ಸದ್ದು ಮಾಡಿದ್ದ ಈ ಸಿನಿಮಾದಿಂದ ಈಗ ರಶ್ಮಿಕಾ ಹೊರ ಹೋಗುತ್ತಿರುವುದು ಅವರ ಅಭಿಮಾನಿಗಳಿಗೆ ಬೇಸರ ಮೂಡಿಸಿದೆ. ಅವರು ಸದ್ಯಕ್ಕೆ ‘ಪುಷ್ಪ 2’ ಚಿತ್ರದಲ್ಲಿ ತೊಡಗಿಸಿಕೊಂಡಿದ್ದು, ಬಾಲಿವುಡ್ನಲ್ಲೂ ಬ್ಯುಸಿ ಆಗಿದ್ದಾರೆ. ಇನ್ನು, ರಶ್ಮಿಕಾ ಅವರು ಹೊರಹೋಗಿದ್ದರಿಂದ, ಆ ಪಾತ್ರಕ್ಕೆ ಮತ್ತೋರ್ವ ಕನ್ನಡತಿ ನಟಿ ಶ್ರೀಲೀಲಾ ಆಯ್ಕೆಯಾಗುವ ಸಾಧ್ಯತೆ ಇದೆ. ಈ ಮೂಲಕ ಕನ್ನಡತಿಯ ಜಾಗಕ್ಕೆ ಮತ್ತೊಬ್ಬ ಕನ್ನಡತಿಯೇ ಬರ್ತಿದ್ದಾರೆ ಅನ್ನೋದು ಖುಷಿ ವಿಚಾರ. ಈ ಸಿನಿಮಾವನ್ನು ಶ್ರೀಲೀಲಾ ಒಪ್ಪಿದ್ದೇ ಆದರೆ ಇದೊಂದೇ ವರ್ಷದಲ್ಲಿ10 ತೆಲುಗು ಸಿನಿಮಾಗಳಲ್ಲಿ ನಾಯಕಿಯಾದ ಖ್ಯಾತಿ ಶ್ರೀಲೀಲಾ ಅವರದ್ದಾಗುತ್ತದೆ. ಸದ್ಯ ಟಾಲಿವುಡ್ನಲ್ಲಿ ನಂಬರ್ 1 ನಟಿಯಾಗಿ ಶ್ರೀಲೀಲಾ ಮಿಂಚುತ್ತಿದ್ದಾರೆ.