ಬೋಲ್ಡ್ ಸೀನ್ಗಳಲ್ಲಿ ಮಿಂಚುತ್ತಿರುವ ತಮನ್ನಾ; 'ಜೈಲರ್'ನಲ್ಲೂ ಬಿಸಿ ಹೆಚ್ಚಿಸಲಿದ್ದಾರೆ 'ಮಿಲ್ಕಿ ಬ್ಯೂಟಿ'
1263 views
ಮನರಂಜನೆ ವಿಡಿಯೋಗಳಿಗೆ ಚಂದಾದಾರರಾಗಿ'ಮಿಲ್ಕಿ ಬ್ಯೂಟಿ' ತಮನ್ನಾ ಭಾಟಿಯಾ ಅವರು ಈಚೆಗೆ ಹೆಚ್ಚಾಗಿ ಬೋಲ್ಡ್ ಸೀನ್ಗಳಲ್ಲಿ ನಟಿಸುವುದರ ಮೂಲಕವೇ ಜಾಸ್ತಿ ಸದ್ದು ಮಾಡುತ್ತಿದ್ದಾರೆ. ಕಾರಣ, ಈಚೆಗೆ ರಿಲೀಸ್ ಆದ 'ಜೀ ಕರ್ದಾ' ವೆಬ್ ಸಿರೀಸ್ನಲ್ಲಿ ಮೈಚಳಿ ಬಿಟ್ಟು ನಟಿಸಿದ್ದರು ತಮನ್ನಾ. ಆ ವೆಬ್ ಸಿರೀಸ್ನಲ್ಲಿ ತಮನ್ನಾ ರೊಮ್ಯಾಂಟಿಕ್ ಆಗಿ ಕಾಣಿಸಿಕೊಂಡಿದ್ದ ದೃಶ್ಯಗಳು ಸಖತ್ ವೈರಲ್ ಆಗಿದ್ದವು. ಆದರೆ ಅದು ಅಲ್ಲಿಗೆ ನಿಲ್ಲಲಿಲ್ಲ. ಲಸ್ಟ್ ಸ್ಟೋರೀಸ್ 2ರಲ್ಲೂ ಕೂಡ ತಮನ್ನಾ ಅವರು ನಟ ವಿಜಯ್ ವರ್ಮಾ ಜತೆಗೆ ಬೋಲ್ಡ್ ಸೀನ್ಗಳಲ್ಲಿ ಕಾಣಿಸಿಕೊಂಡು, ಎಲ್ಲರ ಹುಬ್ಬೇರುವಂತೆ ಮಾಡಿದ್ದರು. 17 ವರ್ಷಗಗಳ ವೃತ್ತಿ ಬದುಕಿನಲ್ಲಿ ಒಮ್ಮೆಯೂ ಲಿಪ್ಲಾಕ್ ಮಾಡದ ತಮನ್ನಾ, ಲಸ್ಟ್ ಸ್ಟೋರೀಸ್ 2ರಲ್ಲಿ ವಿಜಯ್ ಜತೆಗೆ ಕಿಸ್ಸಿಂಗ್ ಸೀನ್ಗಳನ್ನು ಮಾಡಿದ್ದರು.ಸದ್ಯ ರಜನಿಕಾಂತ್ ಅವರ ಜೈಲರ್ ಸಿನಿಮಾದಲ್ಲೂ ತಮನ್ನಾ ನಟಿಸಿದ್ದು, ಆ ಚಿತ್ರದ ಮೊದಲ ಹಾಡು 'ಕಾವಾಲಾ..' ಜುಲೈ 6ರಂದು ರಿಲೀಸ್ ಆಗಲಿದೆ. ವಿಶೇಷವೆಂದರೆ, ಇದರಲ್ಲೂ ತಮನ್ನಾ ಸಖತ್ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದಾರೆ. ಸದ್ಯ ಚಿತ್ರತಂಡ ರಿಲೀಸ್ ಮಾಡಿರುವ ಸಿನಿಮಾದ ಪೋಸ್ಟರ್ಗಳು ಆ ಬಗ್ಗೆ ಸುಳಿವು ನೀಡಿವೆ. ಇನ್ನು, ಈ ಹಾಡಿಗೆ ಅನಿರುದ್ಧ್ ರವಿಚಂದರ್ ಸಂಗೀತ ನೀಡಿದ್ದು, ಈ ಸಾಂಗ್ ದೊಡ್ಡ ಹಿಟ್ ಆಗುವ ಸೂಚನೆ ಸಿಕ್ಕಿದೆ. ನೆಲ್ಸನ್ ನಿರ್ದೇಶನ ಮಾಡಿರುವ 'ಜೈಲರ್'ನಲ್ಲಿ ರಜನಿಕಾಂತ್ ಜತೆಗೆ ಶಿವರಾಜ್ಕುಮಾರ್, ಮೋಹನ್ಲಾಲ್, ಜಾಕಿಶ್ರಾಫ್, ಸುನೀಲ್ ಮುಂತಾದವರು ಬಣ್ಣ ಹಚ್ಚಿದ್ದಾರೆ.