ಭಾನುವಾರ ತೆರೆಗೆ ಬಂತು ಸಲ್ಮಾನ್ ಖಾನ್ 'ಟೈಗರ್ 3'; ಸಿನಿಮಾ ನೋಡಿದ ಪ್ರೇಕ್ಷಕರು ಏನಂದ್ರು?
ಮನರಂಜನೆ ವಿಡಿಯೋಗಳಿಗೆ ಚಂದಾದಾರರಾಗಿ
ಸಲ್ಮಾನ್ ಖಾನ್ ಮತ್ತು ಯಶ್ ರಾಜ್ ಫಿಲ್ಮ್ಸ್ ಕಾಂಬಿನೇಷನ್ನಲ್ಲಿ 'ಏಕ್ ಥಾ ಟೈಗರ್' ಸಿನಿಮಾವು 2012ರಲ್ಲಿ ತೆರೆಗೆ ಬಂತು. ಇದು ಯಶ್ ರಾಜ್ ಫಿಲ್ಮ್ಸ್ನ ಸ್ಪೈ ಯೂನಿವರ್ಸ್ ಮೊದಲ ಸಿನಿಮಾ. ಆನಂತರ 2017ರಲ್ಲಿ 'ಟೈಗರ್ ಜಿಂದಾ ಹೈ' ರಿಲೀಸ್ ಆಯ್ತು. ಇದೀಗ 'ಟೈಗರ್ 3' ತೆರೆಕಂಡಿದೆ. ಸಾಮಾನ್ಯವಾಗಿ ಸಿನಿಮಾಗಳು ಶುಕ್ರವಾರ, ಇಲ್ಲವೇ ಗುರುವಾರ ತೆರೆಗೆ ಬರುತ್ತವೆ. ಆದರೆ 'ಟೈಗರ್ 3' ಸಿನಿಮಾವನ್ನು ದೀಪಾವಳಿ ಹಬ್ಬದ ಪ್ರಯುಕ್ತ ಭಾನುವಾರ (ನ.12) ತೆರೆಕಂಡಿದೆ. ಆದಿತ್ಯ ಚೋಪ್ರಾ ಕಥೆ ಬರೆದು, ನಿರ್ಮಾಣ ಮಾಡಿರುವ ಈ ಸಿನಿಮಾವನ್ನು ಮನೀಶ್ ಶರ್ಮಾ ಡೈರೆಕ್ಟ್ ಮಾಡಿದ್ದಾರೆ. 300 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣವಾಗಿರುವ ಟೈಗರ್ 3 ಸಿನಿಮಾದಲ್ಲಿ ಎಂದಿನಂತೆ ಸಲ್ಮಾನ್ ಖಾನ್ ಮತ್ತು ಕತ್ರಿನಾ ಕೈಫ್ ಇದ್ದಾರೆ. ಅವರ ಜೊತೆಗೆ ಶಾರುಖ್ ಖಾನ್ ಮತ್ತು ಹೃತಿಕ್ ರೋಷನ್ ಕೂಡ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇಮ್ರಾನ್ ಹಶ್ಮೀ ವಿಲನ್ ಆಗಿ ಅಬ್ಬರಿಸಿದ್ದು, ರೇವತಿ, ಸಿಮ್ರಾನ್, ಆಮಿರ್ ಬಷೀರ್, ಅಶುತೋಷ್ ರಾಣಾ ಮುಂತಾದವರು ಬಣ್ಣ ಹಚ್ಚಿದ್ದಾರೆ. ಸಿನಿಮಾವನ್ನು ಫಸ್ಟ್ ಡೇ ಫಸ್ಟ್ ಶೋ ನೋಡಿದ ಪ್ರೇಕ್ಷಕರು ಏನಂದ್ರು? ಅವರಿಗೆ 'ಟೈಗರ್ 3' ಇಷ್ಟ ಆಯ್ತಾ ಇಲ್ವಾ? ಈ ವಿಡಿಯೋ ನೋಡಿ.