ಇಂಡಿಯನ್ ಬಾಕ್ಸ್ ಆಫೀಸ್ನಲ್ಲಿ ಹೊಸ ದಾಖಲೆ ಬರೆದ ಶಾರುಖ್ ಖಾನ್; ಸಾವಿರ ಕೋಟಿ ತಲುಪಿದ 'ಜವಾನ್' ಕಲೆಕ್ಷನ್
5118 views
ಮನರಂಜನೆ ವಿಡಿಯೋಗಳಿಗೆ ಚಂದಾದಾರರಾಗಿನಟ ಶಾರುಖ್ ಖಾನ್ ಅವರು ಈಗ ಬಾಲಿವುಡ್ ಬಾಕ್ಸ್ ಆಫೀಸ್ ಕಿಂಗ್ ಎನಿಸಿಕೊಂಡಿದ್ದಾರೆ. ಕಾರಣ, ಅವರ 'ಜವಾನ್' ಸಿನಿಮಾವು ಭರ್ಜರಿ ಕಮಾಯಿ ಮಾಡುತ್ತಿದೆ. ಈ ಸಿನಿಮಾ ತೆರೆಕಂಡು 17 ದಿನ ಕಳೆದಿವೆ. ಇಷ್ಟು ಕಡಿಮೆ ಅವಧಿಯಲ್ಲಿ ಯಾವ ಸಿನಿಮಾವೂ ಮಾಡಿರದ ಸಾಧನೆಯೊಂದನ್ನು ಜವಾನ್ ಮಾಡಲು ಹೊರಟಿದೆ. ಈ ಸಿನಿಮಾದ ಗಳಿಕೆ ಈಗ 1 ಸಾವಿರ ಕೋಟಿ ರೂಪಾಯಿ ಗಡಿಯಲ್ಲಿದೆ. 18ನೇ ದಿನದ ಕಲೆಕ್ಷನ್ ಸೇರಿದಂತೆ ಅನಾಯಾಸವಾಗಿ 'ಜವಾನ್' ಸಿನಿಮಾವು ಸಾವಿರ ಕೋಟಿ ಕ್ಲಬ್ಗೆ ಸೇರ್ಪಡೆ ಆಗಲಿದೆ. ವಿಶೇಷವೆಂದರೆ, ಒಂದೇ ವರ್ಷದಲ್ಲಿ ಶಾರುಖ್ ನಟನೆಯ ಎರಡು ಸಿನಿಮಾಗಳು ಸಾವಿರ ಕೋಟಿ ರೂಪಾಯಿ ಕ್ಲಬ್ಗೆ ಸೇರಿಕೊಂಡಿವೆ. ಇಂತಹ ಸಾಧನೆ ಮಾಡಿರುವ ಏಕೈಕ ನಟ ಎಂದರೆ, ಅದು ಶಾರುಖ್ ಖಾನ್ ಮಾತ್ರ. ಹಾಗಾಗಿ, ಅಭಿಮಾನಿಗಳ ಸಂಭ್ರಮ ಮುಗಿಲುಮುಟ್ಟಿದೆ. ಈಗಾಗಲೇ ಮುಂಬೈನಲ್ಲಿ ಅಭಿಮಾನಿಗಳು ಸಂಭ್ರಮಿಸುತ್ತಿದ್ದಾರೆ. 'ಜವಾನ್' ಸಿನಿಮಾದಿಂದಾಗಿ ತಮಿಳು ನಿರ್ದೇಶಕ ಅಟ್ಲೀ ಕೂಡ ಭಾರಿ ಸಕ್ಸಸ್ ಸಿಕ್ಕಾಂತಾಗಿದೆ. ಅವರಷ್ಟೇ ಅಲ್ಲದೆ, 'ಜವಾನ್' ಸಿನಿಮಾದ ಮೂಲಕ ನಟಿ ನಯನತಾರಾ, ನಟ ವಿಜಯ್ ಸೇತುಪತಿ, ಸಂಗೀತ ನಿರ್ದೇಶಕ ಅನಿರುದ್ಧ್ ರವಿಚಂದರ್ ಅವರಿಗೂ ಬಾಲಿವುಡ್ ಅಂಗಳದಲ್ಲಿ ದೊಡ್ಡ ಬ್ರೇಕ್ ಸಿಕ್ಕಿದೆ.