ಬಾಲಿವುಡ್ನ ಹಳೇ ದಾಖಲೆಗಳನ್ನು ಉಡೀಸ್ ಮಾಡಿದ ಶಾರುಖ್ ಖಾನ್; ನೂರಾರು ಕೋಟಿ ಕಮಾಯಿ ಮಾಡಿದ 'ಜವಾನ್'!
1320 views
ಮನರಂಜನೆ ವಿಡಿಯೋಗಳಿಗೆ ಚಂದಾದಾರರಾಗಿಶಾರುಖ್ ಖಾನ್, ನಯನತಾರ, ವಿಜಯ್ ಸೇತುಪತಿ ಅಭಿನಯದ 'ಜವಾನ್' ಸಿನಿಮಾವು ಮೊದಲ ದಿನ ಎಷ್ಟು ಕಲೆಕ್ಷನ್ ಮಾಡಲಿದೆ ಕುತೂಹಲ ಎಲ್ಲರಲ್ಲಿಯೂ ಇತ್ತು. ಅದಕ್ಕೀಗ ಉತ್ತರ ಸಿಕ್ಕಿದೆ. 'ಜವಾನ್' ಸಿನಿಮಾವು ವಿಶ್ವಾದ್ಯಂತ ಫಸ್ಟ್ ಡೇ 129.60 ಕೋಟಿ ರೂಪಾಯಿಗಳನ್ನು ಬಾಚಿಕೊಂಡಿತ್ತು. ವಿಶೇಷವೆಂದರೆ, ಶಾರುಖ್ ಖಾನ್ ಅವರ ಈ ಹಿಂದಿನ 'ಪಠಾಣ್' ಸಿನಿಮಾವು ಮೊದಲ ದಿನ 106 ಕೋಟಿ ರೂಪಾಯಿ ಗಳಿಸಿತ್ತು. ಆ ಮೂಲಕ 'ಜವಾನ್' ಸಿನಿಮಾವು ಪಠಾಣ್ ದಾಖಲೆಯನ್ನು ಬ್ರೇಕ್ ಮಾಡಿತ್ತು. ಇನ್ನು, ಜವಾನ್ ಎರಡನೇ ದಿನಕ್ಕೆ ವಿಶ್ವಾದ್ಯಂತ 110.87 ಕೋಟಿ ರೂ.ಗಳಿಸಿದೆ. ಒಟ್ಟು ಎರಡು ದಿನಕ್ಕೆ 240.47 ಕೋಟಿ ರೂಪಾಯಿ ಹಣ ಜವಾನ್ ಬೊಕ್ಕಸಕ್ಕೆ ಹರಿದುಬಂದಿದೆ.ಶಾರುಖ್ ಖಾನ್ ಅವರ ಹಿಂದಿನ 'ಪಠಾಣ್' ಚಿತ್ರದ ಒಟ್ಟಾರೆ ಗಳಿಕೆ 1000+ ಕೋಟಿ ರೂ. ಆಗಿತ್ತು. ಇದೀಗ 'ಜವಾನ್' ಕೂಡ ಆ ಸಾಧನೆ ಮಾಡಲಿದೆಯೇ ಎಂಬ ಪ್ರಶ್ನೆ ಅಭಿಮಾನಿಗಳದ್ದು. ಈವರೆಗೂ ಗುರುವಾರ ಮತ್ತು ಶುಕ್ರವಾರದ ಕಲೆಕ್ಷನ್ ಮಾಹಿತಿ ಹೊರಬಿದ್ದಿದ್ದು, ಶನಿವಾರವೂ ವೀಕೆಂಡ್ ರಜೆ ಇರುವುದರಿಂದ ಮೂರನೇ ದಿನ ಕೂಡ ಉತ್ತಮ ಗಳಿಕೆ ಆಗಿರುವ ಸಾಧ್ಯತೆ ಇದೆ. ಹಾಗೆಯೇ ಭಾನುವಾರ ಕೂಡ ಜವಾನ್ ಸಿನಿಮಾ ಭಾರಿ ಪ್ರಮಾಣದ ಕಮಾಯಿ ಮಾಡಲಿದೆ ಎಂಬ ನಿರೀಕ್ಷೆ ಇದೆ. ಮೊದಲ ವಾರಾಂತ್ಯಕ್ಕೆ ಈ ಸಿನಿಮಾವು 400+ ಕೋಟಿ ರೂ. ಗಳಿಕೆ ಮಾಡುವ ಸಾಧ್ಯತೆಗಳಿವೆ.ಕಳೆದ ಹಲವು ವರ್ಷಗಳಿಂದ ಸೋಲುಗಳನ್ನು ನೋಡಿ ಕಂಗೆಟ್ಟಿದ್ದ ನಟ ಶಾರುಖ್ ಖಾನ್ಗೆ 2023ರಲ್ಲಿ ಎರಡನೇ ಹಿಟ್ ಸಿಕ್ಕಿರುವುದು ವಿಶೇಷ. ಹಾಗೆಯೇ, ಬಾಲಿವುಡ್ಗೆ ಕಾಲಿಟ್ಟ ಡೈರೆಕ್ಟರ್ ಅಟ್ಲೀ, ನಟಿ ನಯನತಾರಾ, ಸಂಗೀತ ನಿರ್ದೇಶ ಅನಿರುದ್ಧ್ ರವಿಚಂದರ್ಗೆ ಮೊದಲ ಪ್ರಯತ್ನದಲ್ಲೇ ಭಾರಿ ಗೆಲುವು ಸಿಕ್ಕಿದಂತಾಗಿದೆ.