ಸಾರ್ವಜನಿಕವಾಗಿ ಮಾಸ್ಕ್ ತೆಗೆದು ಮುಖ ತೋರಿಸಿದ ಶಿಲ್ಪಾ ಶೆಟ್ಟಿ ಪತಿ ರಾಜ್ ಕುಂದ್ರಾ; ಇಲ್ಲಿದೆ ಒಂದು ಬ್ರೇಕಿಂಗ್ ನ್ಯೂಸ್!
2049 views
ಮನರಂಜನೆ ವಿಡಿಯೋಗಳಿಗೆ ಚಂದಾದಾರರಾಗಿಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಅವರ ಪತಿ ರಾಜ್ ಕುಂದ್ರಾ ಈಚೆಗೆ ಸದಾ ಸುದ್ದಿಯಲ್ಲಿ ಇರುತ್ತಿದ್ದರು. ಅದಕ್ಕೆ ಕಾರಣ, ಅವರು ಧರಿಸುವ ಚಿತ್ರ-ವಿಚಿತ್ರ ಮಾಸ್ಕ್ಗಳು. ಹೌದು, ಅಶ್ಲೀಲ ಸಿನಿಮಾ ನಿರ್ಮಾಣ ಮಾಡಿದ ಆರೋಪದ ಮೇಲೆ ರಾಜ್ ಕುಂದ್ರಾ ಜೈಲುಪಾಲಾಗಿದ್ದರು. ಒಂದಷ್ಟು ಸಮಯ ಅವರು ಜೈಲಿಂದ ಬೇಲ್ ಮೇಲೆ ಹೊರಬಂದರು. ಅಂದಿನಿಂದ ರಾಜ್ ಕುಂದ್ರಾ, ಸಾರ್ವಜನಿಕವಾಗಿ ಎಲ್ಲಿಯೇ ಕಾಣಿಸಿಕೊಂಡರೂ ಮಾಸ್ಕ್ ಧರಿಸುತ್ತಿದ್ದರು. ಜೈಲಿಗೆ ಹೋಗಿ ಬಂದಮೇಲೆ ಅವರಿಗೆ ಜನರೆದುರು ಮುಖ ತೋರಿಸಲು ಮುಜುಗರ ಆಗುತ್ತಿದೆಯೇ ಎಂದು ಗಾಸಿಪ್ಗಳು ಕೇಳಿಬಂದಿದ್ದವು. ಆದರೆ ಈಗ ಮಾಸ್ಕ್ಗೆ ವಿದಾಯ ಹೇಳಿದ್ದಾರೆ. ಹೌದು, ರಾಜ್ ಕುಂದ್ರಾ ಇಷ್ಟು ದಿನ ಮಾಸ್ಕ್ ಹಾಕಿಕೊಂಡಿದ್ದಕ್ಕೆ ಕಾರಣ, ಅವರು 'ಯುಟಿ 69' ಸಿನಿಮಾದಲ್ಲಿ ಬಣ್ಣ ಹಚ್ಚಿದ್ದಾರೆ. ಅದಕ್ಕಾಗಿ ಅವರು ಈವರೆಗೂ ಮುಖ ಮುಚ್ಚಿಕೊಂಡೇ ಓಡಾಡುತ್ತಿದ್ದರು. ಇದರಲ್ಲಿ ಇನ್ನೊಂದು ವಿಶೇಷತೆ ಕೂಡ ಇದೆ. 'ಯುಟಿ 69' ಸಿನಿಮಾವು ಅವರದೇ ಬದುಕಿನಯನ್ನು ಹೊಂದಿದೆ. ರಾಜ್ ಕುಂದ್ರಾ ಜೈಲಿಗೆ ಹೋದ ಸಂದರ್ಭದ ಅನುಭವಗಳನ್ನು ಈ ಸಿನಿಮಾದಲ್ಲಿ ಹೇಳಲಾಗಿದೆ. ಈ ರಿಯಲ್ ಲೈಫ್ ಕಥೆಗೆ ಅವರೇ ಹೀರೋ ಆಗಿ ಕಾಣಿಸಿಕೊಂಡಿದ್ದಾರೆ. ಸಿನಿಮಾದ ಟ್ರೇಲರ್ ಕೂಡ ಇಂಟರೆಸ್ಟಿಂಗ್ ಆಗಿದೆ.