Jailer Movie: 'ನಾನು ಸ್ಟಾರ್ ಆಗಿದ್ದೀನಿ ಅಂದ್ರೆ, ಅದಕ್ಕೆ ಅಭಿಮಾನಿ ದೇವರುಗಳೇ ಕಾರಣ...'- ನಟ ಶಿವರಾಜ್ಕುಮಾರ್
1432 views
ಮನರಂಜನೆ ವಿಡಿಯೋಗಳಿಗೆ ಚಂದಾದಾರರಾಗಿ'ಸೂಪರ್ ಸ್ಟಾರ್' ರಜನಿಕಾಂತ್ ನಟನೆಯ 'ಜೈಲರ್' ಚಿತ್ರದಲ್ಲಿ 'ಹ್ಯಾಟ್ರಿಕ್ ಹೀರೋ' ಶಿವರಾಜ್ಕುಮಾರ್ ಅವರು ಅತಿಥಿ ಪಾತ್ರ ಮಾಡಿದ್ದಾರೆ. ಶನಿವಾರ (ಆ.12) ಮೈಸೂರಿನಲ್ಲಿ 'ಜೈಲರ್' ಸಿನಿಮಾವನ್ನು ಶಿವಣ್ಣ ವೀಕ್ಷಣೆ ಮಾಡಿದ್ದಾರೆ. ಫ್ಯಾನ್ಸ್ ರೆಸ್ಪಾನ್ಸ್ ನೋಡಿ ಖುಷಿಯಾಗಿರುವ ಅವರು ಮೊದಲ ಬಾರಿಗೆ 'ಜೈಲರ್' ಚಿತ್ರದ ಬಗ್ಗೆ ಮಾತನಾಡಿದ್ದಾರೆ. 'ಕರ್ನಾಟಕದ ಜೊತೆಗೆ ಪರಭಾಷೆಯಲ್ಲೂ ನಾನು ಮಾಡಿರುವ ನರಸಿಂಹ ಅನ್ನೋ ಪಾತ್ರವನ್ನು ಪ್ರೀತಿಸಿರುವುದು ನಮಗೆ ಬಹಳ ಹೆಮ್ಮೆ ಎನಿಸಿದೆ, ಖುಷಿಯಾಗಿದೆ' ಎಂದು ಶಿವರಾಜ್ಕುಮಾರ್ ತಿಳಿಸಿದ್ದಾರೆ.'ಜೈಲರ್ ಸಿನಿಮಾ ತುಂಬ ಎಂಗೇಜ್ ಆಗಿದೆ. ರಜನಿಕಾಂತ್ ಅವರ ಸೀನ್ಗಳು ಸಖತ್ ಆಗಿವೆ. ನೆಲ್ಸನ್ ಅವರು ವಿಭಿನ್ನವಾಗಿ ಸ್ಕ್ರಿಪ್ಟ್ ಮಾಡಿಕೊಂಡಿದ್ದಾರೆ. ನಾನು ಸಣ್ಣ ಅತಿಥಿ ಪಾತ್ರ ಮಾಡಿದ್ದೇನೆ, ಉತ್ತಮ ರೆಸ್ಪಾನ್ಸ್ ಸಿಕ್ಕಿದೆ. ನನಗೇನೂ ಪರಭಾಷೆಗೆ ಹೋಗಿ ಹೆಸರು ಮಾಡಬೇಕು ಎಂಬ ಆಸೆ ಇಲ್ಲ. ಈಗಾಗಲೇ ನಮ್ಮ ಕರ್ನಾಟಕದ ಜನತೆ ನಮಗೆ ಹೆಸರು ಕೊಟ್ಟಿದ್ದಾರೆ. ರಜನಿ ಸರ್ ಜೊತೆಗೆ ತೆರೆಹಂಚಿಕೊಳ್ಳುವುದೇ ಒಂದು ಖುಷಿ. ಅವರು ಬಹಳ ಸಿಂಪಲ್ ಆಗಿರುತ್ತಾರೆ. ಅವರ ಬಳಿ ಯಾವುದೇ ಆಡಂಬರ ಇಲ್ಲ. ನಾನು ಶೂಟಿಂಗ್ ಇರುವಾಗ, ಬ್ರೇಕ್ ಇದ್ದಾಗ ಮಾತ್ರ ಕ್ಯಾರವ್ಯಾನ್ಗೆ ಹೋಗುತ್ತೇನೆ. ಇಲ್ಲದಿದ್ದರೆ, ಸೆಟ್ನಲ್ಲೇ ಇರುತ್ತೇನೆ. ರಜನಿಕಾಂತ್ ಅವರು ಕೂಡ ಹಾಗೇ ಇರುತ್ತಾರೆ' ಎಂದು ಶಿವಣ್ಣ ತಿಳಿಸಿದ್ದಾರೆ.