Rakshit Shetty: '777 ಚಾರ್ಲಿ' ಸಿನಿಮಾ ಪ್ರೀಮಿಯರ್ ಶೋ ರೆಸ್ಪಾನ್ಸ್ ಬಗ್ಗೆ ಮಾತನಾಡಿದ ರಕ್ಷಿತ್ ಶೆಟ್ಟಿ
ಮನರಂಜನೆ ವಿಡಿಯೋಗಳಿಗೆ ಚಂದಾದಾರರಾಗಿ
'ಸಿಂಪಲ್ ಸ್ಟಾರ್' ರಕ್ಷಿತ್ ಶೆಟ್ಟಿ ನಟಿಸಿ, ನಿರ್ಮಿಸಿರುವ '777 ಚಾರ್ಲಿ' ಸಿನಿಮಾವು ಜೂನ್ 10ರಂದು ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ರಿಲೀಸ್ ಆಗಲಿದೆ. ಈ ಬಾರಿ ರಿಲೀಸ್ಗೂ ಒಂದು ವಾರಕ್ಕೂ ಮೊದಲೇ '777 ಚಾರ್ಲಿ' ಸಿನಿಮಾವನ್ನು ಲಖನೌ, ದೆಹಲಿ, ಅಮೃತಸರ್ ಸೇರಿದಂತೆ ದೇಶದ ಪ್ರಮುಖ ನಗರಗಳಲ್ಲಿ ಪ್ರೀಮಿಯರ್ ಮಾಡಲಾಗಿದೆ. ಸಿನಿಮಾ ರಿಲೀಸ್ಗೂ ಒಂದು ದಿನದ ಹಿಂದೆ ಪ್ರೀಮಿಯರ್ ಮಾಡುವುದು ವಾಡಿಕೆ. ಆದರೆ '777 ಚಾರ್ಲಿ' ಸಿನಿಮಾ ತಂಡ ಇಲ್ಲೂ ಕೂಡ ಹೊಸದೊಂದು ದಾಖಲೆ ಬರೆದಿದೆ. ಒಟ್ಟಾರೆ ಜೂನ್ 9ರ ಒಳಗೆ ಮಧುರೈ, ಪಂಜಿಮ್, ಬರೋಡಾ, ವಿಶಾಖಪಟ್ಟಣಂ, ಅಹ್ಮದಾಬಾದ್, ಹೈದರಾಬಾದ್, ವಾರಾಣಾಸಿ, ತಿರುವನಂತಪುರಂ, ಕೊಯಮತ್ತೂರು, ಸೊಲ್ಲಾಪುರ, ಪುಣೆ, ಮುಂಬೈ, ಕೊಚ್ಚಿ, ಚೆನ್ನೈ, ಜೈಪುರ, ಕೋಲ್ಕತ್ತ, ನಾಗಾಪುರ, ಸೂರತ್ ಮುಂತಾದ ಕಡೆಗಳಲ್ಲಿ ಪ್ರೀಮಿಯರ್ ಶೋ ಮಾಡುವುದು ಚಿತ್ರತಂಡದ ಉದ್ದೇಶ. ಈಗಾಗಲೇ ಪ್ರೀಮಿಯರ್ ಶೋನಲ್ಲಿ ಸಿನಿಮಾ ನೋಡಿದವರಿಂದ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ. ‘ಚಾರ್ಲಿ 777’ ನೋಡಿದವರೆಲ್ಲರೂ ಸಿನಿಮಾ ಮೆಚ್ಚಿಕೊಂಡಿದ್ದಾರೆ. ರಾಜಕಾರಣಿ ಮತ್ತು ಪ್ರಾಣಿಪ್ರಿಯೆ ಮನೇಕಾ ಗಾಂಧಿ ಅವರು ಸಿನಿಮಾ ನೋಡಿ ಚಿತ್ರತಂಡಕ್ಕೆ ಮೆಚ್ಚುಗೆ ಸೂಚಿಸಿದ್ದಾರೆ. ಈ ಬಗ್ಗೆ ರಕ್ಷಿತ್ ಶೆಟ್ಟಿ ಮಾತನಾಡಿರುವ ವಿಡಿಯೋ ಇಲ್ಲಿದೆ.
Sharvari: '777 ಚಾರ್ಲಿ' ಸಿನಿಮಾದ ಶೂಟಿಂಗ್ ಅನುಭವ ಹಂಚಿಕೊಂಡ ಶಾರ್ವರಿ
Sharvari: '777 ಚಾರ್ಲಿ' ಸಿನಿಮಾದ ಶೂಟಿಂಗ್ ಅನುಭವ ಹಂಚಿಕೊಂಡ ಶಾರ್ವರಿ