Bengaluru Money Seize :ಬೆಂಗಳೂರಿನ ಜಯನಗರದಲ್ಲಿ ಕೋಟ್ಯಾಂತರ ರೂಪಾಯಿ ಹಣ ಪತ್ತೆ ಎರಡು ಕಾರು ಒಂದು ದ್ವಿಚಕ್ರ ವಾಹನ ಸೀಜ್
1142 views
ಸುದ್ದಿ ವಿಡಿಯೋಗಳಿಗೆ ಚಂದಾದಾರರಾಗಿಲೋಕಸಭೆ ಚುನಾವಣೆ ಸಮೀಪಿಸುತ್ತಿದ್ದಂತೆ ನಗರದಲ್ಲಿ ಝಣ-ಝಣ ಕಾಂಚಾಣ ಸದ್ದು ಮಾಡಲಾರಂಭಿಸಿದೆ. ಕಾರೊಂದರಲ್ಲಿ ಕೋಟ್ಯಂತರ ರೂಪಾಯಿ ಪತ್ತೆಯಾಗಿದ್ದು ಚುನಾವಣೆ ಅಧಿಕಾರಿಗಳು ಈ ಸಂಬಂಧ ಹಣದ ಸಮೇತ ಎರಡು ಕಾರುಗಳು ಹಾಗೂ ಒಂದು ದ್ವಿಚಕ್ರವಾಹನ ಜಪ್ತಿ ಮಾಡಿದ್ದಾರೆ. ಬೆಂಗಳೂರು ನಗರ ದಕ್ಷಿಣ ಲೋಕಸಭಾ ಕ್ಷೇತ್ರದ ವ್ಯಾಪ್ತಿಗೆ ಬರುವ ಜಯನಗರದ 4ನೇ ಹಂತದ ಬಳಿ ಹಣ ವಶಕ್ಕೆ ಪಡೆಯಲಾಗಿದೆ. ಹಣ ಸಾಗಾಟ ಬಗ್ಗೆ ಮಾಹಿತಿ ಆಧರಿಸಿ ಸ್ಥಳಕ್ಕೆ ಬಂದ ಬೆಂಗಳೂರು ನಗರ ಚುನಾವಣಾಧಿಕಾರಿ ಮುನೀಶ್ ಮುದ್ಗಿಲ್ ನೇತೃತ್ವದ ತಂಡ ಕಾರ್ಯಾಚರಣೆ ನಡೆಸಿ ಕಾರಿನಲ್ಲಿದ್ದ ಕೋಟ್ಯಂತರ ರೂಪಾಯಿ ಹಣ ವಶಕ್ಕೆ ಪಡೆದುಕೊಳ್ಳಲಾಗಿದೆ. ಜಪ್ತಿ ಮಾಡಿಕೊಂಡಿರುವ ಮರ್ಸಿಡೀಸ್ ಬೆನ್ಜ್ ಕಾರು ನಿನ್ನೆಯಷ್ಟೇ ನೋಂದಣಿಯಾಗಿದ್ದು ಸೋಮಶೇಖರ್ ಎಂಬುವರ ಹೆಸರಿನಲ್ಲಿದ್ದರೆ ದ್ವಿಚಕ್ರ ವಾಹನವು ಧನಂಜಯ್ ಎಂಬುವರಿಗೆ ಸೇರಿದೆ. ಮತ್ತೊಂದು ಕಾರು ವೋಕ್ಸ್ ವ್ಯಾಗನ್ ಪೋಲೋ ಮಾಲೀಕರು ತಿಳಿದುಬಂದಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಸ್ಕೂಟರ್ ನಿಂದ ಫಾರ್ಚೂನರ್ ಕಾರಿಗೆ ಹಣ ಶಿಫ್ಟ್ ಮಾಡುತ್ತಿದ್ದರು. ಫಾರ್ಚೂನರ್ ನಲ್ಲಿ ಒಟ್ಟು ಐದು ಜನವಿದ್ದು ಈ ಬಗ್ಗೆ ಚುನಾವಣಾ ಮಹಿಳಾ ಅಧಿಕಾರಿ ಪ್ರಶ್ನಿಸಿದ್ದರು. ಒಬ್ಬರೇ ಇದ್ದಿದ್ದರಿಂದ ತಕ್ಷಣ ದ್ವಿಚಕ್ರ ವಾಹನದಲ್ಲಿದ್ದ ಒಂದು ಬ್ಯಾಗ್ ಜಫ್ತಿ ಮಾಡಿದ್ದರು. ಈಗ ಹಣದ ಎಣಿಕೆ ನಡೆಯುತ್ತಿದೆ ಸುಮಾರು 1 ಕೋಟಿಗೂ ಅಧಿಕ ಹಣವಿದೆ ಸ್ಥಳದಿಂದ ಎಸ್ಕೇಪ್ ಆಗಿರುವ ಫಾರ್ಚೂನರ್ ನಂಬರ್ ನ್ನ ಕೂಡ ನೋಟ್ ಮಾಡಲಾಗಿದ್ದು ಮುಂದಿನ ಕಾನೂನುಕ್ರಮವನ್ನ ಪೊಲೀಸರು ಮಾಡಲಿದ್ದಾರೆ.