ವಿಡಿಯೋ | ಒಂಟಿ ಕಾಲಲ್ಲಿ ಫುಟ್ಬಾಲ್ ಆಟ..! ಬಾಲಕನ ಸಾಹಸಕ್ಕೆ ಬೆರಗಾದ ಜನ
ಸುದ್ದಿ ವಿಡಿಯೋಗಳಿಗೆ ಚಂದಾದಾರರಾಗಿ
ಒಂದು ಕಾಲು ಇಲ್ಲದಿದ್ದರೂ, ಇತರ ಬಾಲಕರಷ್ಟೇ ಚೆನ್ನಾಗಿ ಫುಟ್ಬಾಲ್ ಆಡುವ ಮೂಲಕ ಬಾಲಕನೊಬ್ಬ ಇದೀಗ ದೇಶದ ಗಮನ ಸೆಳೆದಿದೆ. ಈ ಒಂಟಿ ಕಾಲಿನ ಬಾಲಕನ ಆಟಕ್ಕೆ ಜನರು ಮನಸೋತಿದ್ದಾರೆ. ತನ್ನ ಇಚ್ಛೆಯನ್ನು ಪೂರೈಸಲು ಬಾಲಕನಿಗೆ ದೈಹಿಕ ಅಂಗವೈಕಲ್ಯ ಅಡ್ಡಿ ಬಂದಿಲ್ಲ ಎನ್ನುವುದನ್ನು ಆತ ತೋರಿಸಿಕೊಟ್ಟು ಸ್ಪೂರ್ತಿಯಾಗಿದ್ದಾನೆ. ಮಣಿಪುರದ ಕುನಾಲ್ ಶ್ರೇಷ್ಠ ಎಂಬ ಬಾಲಕ ತನ್ನ ಒಂದು ಕಾಲನ್ನು ಹುಟ್ಟುವಾಗಲೇ ಕಳೆದುಕೊಂಡಿದ್ದ. ತನಗೆ ಕಾಲಿಲ್ಲ ಅಥವಾ ದೈಹಿಕ ಅಂಗವೈಕಲ್ಯತೆ ಅವನ ನೆಚ್ಚಿನ ಆಟವಾಡಲು ಅಡ್ಡಿಯಾಗಿಲ್ಲ. ಹೀಗಾಗಿ ಇತರ ಮಕ್ಕಳಂತೆ ಆತ ಚೆನ್ನಾಗಿ ಫುಟ್ಬಾಲ್ ಆಡುತ್ತಿದ್ದಾನೆ. ಇದೀಗ ಈತ ಫುಟ್ಬಾಲ್ ಆಡುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.