ಲ್ಯಾಂಡರ್ ಇಳಿಕೆ ಇಷ್ಟು ದೊಡ್ಡ ಸವಾಲು ಏಕೆ?
1487 views
ಸುದ್ದಿ ವಿಡಿಯೋಗಳಿಗೆ ಚಂದಾದಾರರಾಗಿಆ ದಿನ ಬಂದೇ ಬಿಟ್ಟಿದೆ. ಚಂದ್ರಯಾನ-೩ ಯೋಜನೆಯ ಭಾಗವಾಗಿರುವ ವಿಕ್ರಂ ಲ್ಯಾಂಡರ್ ಚಂದ್ರನ ನೆಲಕ್ಕಿಳಿದು ಇತಿಹಾಸ ಬರೆಯಲು ಸನ್ನದ್ಧವಾಗಿದೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ ಬುಧವಾರ ಅಮದರೆ ಇಂದು ಸಂಜೆ ೬.೦೪ ನಿಮಷಕ್ಕೆ ಚಂದ್ರನ ದಕ್ಷಿಣ ಧ್ರುವದಲ್ಲಿ ಭಾರತ ಕಾಲೂರಲಿದೆ. ತನ್ಮೂಲಕ ಅಲ್ಲಿಗೆ ತಲುಪಿದ ಮೊದಲ ದೇಶ ಎಂಬ ಶ್ರೇಯಕ್ಕೆ ಪಾತ್ರವಾಗಲಿದೆ. ಯೋಜನೆಯ ಹೊಣೆ ಹೊತ್ತಿರುವ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಇಸ್ರೋ ೧೪೦ ಕೋಟಿ ಭಾರತೀಯರ ಜೊತೆ ಈ ರೋಚಕ ಕ್ಷಣಕ್ಕಾಗಿ ಉಸಿರು ಬಿಗಿಹಿಡಿದು ಕಾಯುತ್ತಿದ್ದರೆ, ಇಡೀ ವಿಶ್ವ ಭಾರತದತ್ತ ಕುತೂಹಲದ ದೃಷ್ಟಿ ನೆಟ್ಟಿದೆ. ಲ್ಯಾಂಡರ್ ಇಳಿಕೆ ಇಷ್ಟು ದೊಡ್ಡ ಸವಾಲು ಏಕೆ? ಅನ್ನುವುದನ್ನ ನೋಡುವುದಾದರೆ ಚಂದ್ರನಿಂದ ೩೦ ಕಿ.ಮೀ ಎತ್ತರದಲ್ಲಿ ಹಾರುತ್ತಿದ್ದಾಗ ವಿಕ್ರಂ ಲ್ಯಾಂಡರ್ ಅಡ್ಡಲಾಗಿ ಇರುತ್ತದೆ, ಆದರೆ ಕೆಳಕ್ಕಿಳಿಯುವಾಗ ಲ್ಯಾಂಡರ್ ನೇರಗೊಳ್ಳಬೇಕಾಗುತ್ತದೆ.ಇದು ಅತ್ಯಂತ ಕ್ಲಿಷ್ಟವಾದ ಪ್ರಕ್ರಿಯೆಯಾಗಿರುತ್ತದೆ. ಇನ್ನು ಲ್ಯಾಂಡರ್ ೪ ಎಂಜಿನ್‌ ಬಳಸಿ ವೇಗ ತಗ್ಗಿಸಿ, ಇತರೆ ೮ ಎಂಜಿನ್‌ ಬಳಸಿ ದಿಕ್ಕು ಬದಲಿಸಬೇಕು. ಎಂಜಿನ್‌, ಇಂಧನ ಬಳಕೆ, ದೂರ ಲೆಕ್ಕಾಚಾರ, ಎಲ್ಲ ಉಪಕರಣಗಳ ಸುಸ್ಥಿತಿ ಪಕ್ಕಾ ಆಗಿರಬೇಕು. ೨ ರೀತಿಯ ಬ್ರೇಕಿಂಗ್‌, ಲ್ಯಾಂಡಿಂಗ್‌ ಸ್ಥಳ ಪರಿಶೀಲನೆ ಬಳಿಕ ಅಂತಿಮವಾಗಿ ನೆಲಕ್ಕಿಳಿಯಬೇಕು. ಯಾವುದೇ ಹಂತದಲ್ಲಿ ತುಸು ವ್ಯತ್ಯಾಸ ಉಂಟಾದರೂ ಲ್ಯಾಂಡಿಂಗ್‌ ಪ್ರಕ್ರಿಯೆ ಬುಡಮೇಲಾಗುವ ಸಾಧ್ಯತೆಗಳಿವೆ. ಹೀಗಾಗಿಯೇ ಈ ಪ್ರಕ್ರಿಯೆಯನ್ನು ಇಸ್ರೋ ಆತಂಕದ ೧೭ ನಿಮಷ ಎಂದು ಬಣ್ಣಿಸಿದೆ. ಕೋಟ್ಯಂತರ ಭಾರತೀಯರ ಹಾರೈಕೆಗಳೊಂದಿಗೆ ವಿಕ್ರಂ ಲ್ಯಾಂಡರ್ ಯಶಸ್ವಿಯಾಗಿ ಚಂದ್ರನ ಮೇಲೆ ಇಳಿಯಲಿ ಎಂದು ಪ್ರಾರ್ಥಿಸಿ ವಿವಿಧ ದೇಗುಲಗಳಲ್ಲಿ ಮಂಗಳವಾರ ವಿಶೇಷ ಪೂಜೆ, ಹೋಮ ಹವನ ನಡೆದಿದೆ. ಇನ್ನು ೧೫ ನೇ ಬ್ರಿಕ್ಸ್‌ ಶೃಂಗಕ್ಕಾಗಿ ದಕ್ಷಿಣ ಆಫ್ರೀಕಾಕ್ಕೆ ತೆರಳಿರುವ ಪ್ರಧಾನಿ ನರೇಂದ್ರ ಮೋದಿ ಅವರು ಚಂದ್ರಯಾನ ೩ ಸಾಫ್ಟ್‌ ಲ್ಯಾಂಡಿಂಗ್‌ನ ಐತಿಹಾಸಿಕ ಕ್ಷಣದಲ್ಲಿ ವಿಡಿಯೋ ಕಾನ್ಫರೆನ್ಸ್‌ ಮೂಲಕ ಭಾಗಿಯಾಗಲಿದ್ದಾರೆ.
ಸಂಬಂಧಿತ ವಿಡಿಯೋಗಳು
ಗುರುವಾರ ಜೆಡಿಎಸ್ ಕೋರ್ ಕಮಿಟಿ ಸಭೆ, ಎಚ್ಡಿ ರೇವಣ್ಣ ಕುರಿತು ಮಹತ್ವದ ಚರ್ಚೆ ಸಾಧ್ಯತೆಸುದ್ದಿ
ಪ್ರಜ್ವಲ್ ಪೆನ್ಡ್ರೈವ್ ಫೈಟ್: ಕಾಂಗ್ರೆಸ್ಗೆ ಅಸ್ತ್ರ, ಬಿಜೆಪಿಗೆ ಬಿಸಿ ತುಪ್ಪ, ನಾಯಕರ ಮಧ್ಯೆ ಟೀಕೆಗಳ ಸುರಿಮಳೆಸುದ್ದಿ
ಮಹಿಳೆ ಕಿಡ್ನಾಪ್ ಪ್ರಕರಣ; ಮಾಜಿ ಸಚಿವ ಎಚ್ಡಿ ರೇವಣ್ಣ ಜೈಲುಪಾಲುಸುದ್ದಿ
ಲಸಿಕೆ ಸೈಡ್ ಎಫೆಕ್ಟ್ : ಮಾರುಕಟ್ಟೆಯಿಂದ ಕೋವಿಶೀಲ್ಡ್ ಹಿಂಪಡೆದ ಕಂಪೆನಿ..!ಸುದ್ದಿ
Nuclear War : ಮೂರನೇ ಮಹಾಯುದ್ಧಕ್ಕೆ ರಷ್ಯಾದಿಂದ ಟೈಂ ಫಿಕ್ಸ್? ಪ್ರಮಾಣ ವಚನ ಸ್ವೀಕರಿಸುತ್ತಲೇ ಅಮೆರಿಕಕ್ಕೆ ಪುಟಿನ್ ವಾರ್ನಿಂಗ್!ಸುದ್ದಿ
ಮಹಿಳೆ ಅಪರಹಣ ಪ್ರಕರಣ; ಎಚ್ಡಿ ರೇವಣ್ಣಗೆ ಎಸ್ಐಟಿ ಕಸ್ಟಡಿ ಅಂತ್ಯ, ಜೈಲಾ, ಬೇಲಾ ಬುಧವಾರ ನಿರ್ಧಾರಸುದ್ದಿ
ರಾಜ್ಯದ 16ಕ್ಕೂ ಅಧಿಕ ಜಿಲ್ಲೆಗಳಲ್ಲಿ ಭಾರೀ ಮಳೆ ; ಯೆಲ್ಲೋ ಅಲರ್ಟ್ ಘೋಷಣೆಸುದ್ದಿ
Fact Check: ಮೋದಿ ಪ್ರತಿಕೃತಿ ದಹನ, ಕಾಂಗ್ರೆಸ್ಸಿಗರ ಪಂಚೆಗೆ ಬೆಂಕಿ!ಸುದ್ದಿ
ಡಿಕೆ ಶಿವಕುಮಾರ್ ವಿರುದ್ಧ ಎಚ್ಡಿ ಕುಮಾರಸ್ವಾಮಿ ಗುಡುಗು, ಎಸ್ಐಟಿ ಮೇಲೆ ಶೂನ್ಯ ಭರವಸೆ!ಸುದ್ದಿ
ಮಗುವನ್ನು ಎತ್ತಿ ಮುದ್ದಾಡಿದ ಪ್ರಧಾನಿ ಮೋದಿ, ವಿಡಿಯೋ ವೈರಲ್ಸುದ್ದಿ
Explainer Video: ಬಂಗಾಳ ಕೊಲ್ಲಿಯಲ್ಲಿ ಸುಳಿಗಾಳಿ, ದಕ್ಷಿಣ ಕರ್ನಾಟಕಕ್ಕೆ ವರುಣನ ಕಚಗುಳಿ!ಸುದ್ದಿ